黃長興為娛樂事業奮鬥之外，仲開咗餐廳做老闆！
藝人黃長興現時工作不少，既拍劇、拍電影又接廣告，長興加入香港演藝圈後，之前由於廣東話未合格，故有一段時間工作機會愈來愈少、遇到不少挫折。因此，長興在多年前於天后開了第一間餐廳，為自己留下後路。
決意操爆肌Body
現時長興為娛樂事業奮鬥外，更開了兩間餐廳，一切嘗算安穩。長興透露會有男人四十的新突破，現時頻頻操肌的他並不是為拍劇而備戰，而是決心操出爆肌Body！他說：「其實早年喺法國已經有操開，不過好多次去到一定程度就停咗，加上自己做飲食又為食，搞到睇落去好大舊！今次請埋教練指導，希望喺60天內減到8%體脂，有線條靚嗰啲。（最大難關係乜？）最難係要戒酒，我最鍾意就係飲紅酒！（影靚相留念？）會去東南亞地方影，叫埋太太都得，佢不嬲弗過我！」
視飲食業係「逃生門」
除此之外，長興更計劃挑戰跳傘等極限運動，而身為星級老闆的他食肆將愈開愈多，問有否計劃考藍帶認證？他坦言有：「自己身為藝人，都想做到有代表性，當年做飲食都冇諗過會咁成功。」長興坦言當年視飲食業是一道「逃生門」：「2010年我去咗開餐廳，因為自己係處女座性格，係完美主義者，呢樣嘢喺工作上幫我好多，喺法國時係一路做一路升職，但返香港加入演藝圈後，可能演技上同廣東話未合格，有一段時間工作機會愈嚟愈少。」
自喻幸福男人
長興的演藝與飲食業工作同樣做出成績，雖然兩邊工作都忙，但最重要是能令妻女放心，四十歲前已做出成績的長興，笑言自己是個幸福男人。
場地:咖啡事多
服裝:Agnes b.
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
