77歲香港電影海報教父阮大勇，大家尊稱他是「海報師」，作品包括《天才與白痴》、《半斤壬八両》、《猛龍過江》等等等等。07年喪妻，原計劃終生不再娶，可是45歲酒店公關Virginia（許慧韶）出現後，重燃阮老師對愛情的熱情。
Virginia與阮老師一起接受《蘋果》專訪，阮老師用了足足一年時間，直至今年一月才以誠意感動到Virginia做女朋友，拍拖三個月後，上星期五求婚成功。最巧合的是，阮老師原來與Virginia父親同年；Virginia就跟阮老師的女兒同年。她不諱言：「我覺得佢好似我爸爸。我幾缺乏家庭溫暖，佢又覺得佢個女冇同佢溝通。」
漸漸阮老師發覺自己愛上Virginia，於是，77歲的他陪她由天樂里行到西環食炸魚薯條，靠messenger傾吓偈，又借機相約飲茶。後來Virginia察覺到阮老師有追求之意，反應是即刻落閘：「因為佢年紀，我唔想嚇到人心臟病。」拒絕再見。
但阮老師沒有放棄，繼續用fb同ig攻勢，逢post必like，又勤力留言，結果真的打動了Virginia——答應赴約。一次，兩人到赤柱，Virginia見一間舖位置和環境都相當好，於是阮老師二話不說，租下來開畫廊。
他笑，開畫廊，也是為了Virginia。「我生命入面冇咗Virginia真係乜嘢都冇0架喇！」
阮老師說，自己是一個好怕麻煩的人，所以租畫廊的細節，都由Virginia去傾，阮老師稱畫作一早就有，只是「攞好少錢出嚟」就：「主要為咗追佢，有百份之30係為自己個女，因為個女身體有問題，唔能夠出去幫人打工，間畫廊就係等個女有寄託。」說到這裡，他頓了頓：「開畫廊之前我哋冇拍拖0架，手都未揸過……希望慢慢感化佢。」
Virginia試過叫阮老師做「爹哋」，阮老師聞言即說：「我唔想做你爸爸。佢一提到做長輩做爸爸，我係唔開心嘅。仲有，初初佢唔知我鍾意佢時，我見到佢，我會好似西方人咁抱抱；佢知道我鍾意佢之後，唔俾掂，挨埋少少都唔俾。」
今年1月21日，阮老師跟Virginia相約業主在天后簽約，辦妥之後，兩人在維園坐，阮老師即表白：「呢個月亮形狀係我最鍾意，我唔鍾意圓嘅，我鍾意娥媚月，今晚娥媚月咁靚，我哋都識咗一年，我哋可唔可以開始拍拖嘅階段呢？不如做我女朋友。」
在旁的Virginia補充：「佢話冇人知0架，淨係我哋兩個知0架咋。跟住又話鍾意咗我好耐，不如同佢一齊管理畫廊，有一個好好將來來，好多承諾嘅嘢講，過程係感動嘅。」此時阮老師就說：「雖然我咁嘅年紀，但我思想唔係咁維園阿伯0架！」
當日Virginia未有馬上回覆。
兩日後，阮老師登門造訪，又提議要影selfie，影相時親密地搭住Virginia膊頭，就係咁……兩人開始發展。
阮老師面有得色謂：「我覺得佢之前都對我有好感，係我以前做咗嘅功夫，我嘅癡情令佢慢慢接受我，一路一路加分。唔係因為我租咗間畫廊令佢回心轉意，係我一路以嚟加加埋埋分期付款儲蓄咁。」
|
鍾意就快D Share啦！
|
|
|
