真係慘慘豬呀！
無綫34D「咪神」張秀文有份參與網劇《冒險王衛斯理》，飾演主角「衛斯理」余文樂的表妹「彩虹」，有不少發揮機會。動用得「咪神」參演，自然要利用其「天賦本錢」，其中一場戲，秀文被奸角「支離人」林家棟綁架，家棟逼她除衫，以威脅樂仔交換寶物，一臉委屈的秀文上身除剩內衣大騷事業線，角色性格詭異的家棟不停冷笑令人不寒而慄，其後更將秀文用鐵鏈再吊高，慘遭凌辱的秀文神情痛苦兼喊晒口！
以為對手會斷
秀文接受訪問時表示被吊戲份拍足兩日，每日八小時，結果雙手真的勒到有紅印：「冇用到替身，係真吊，而且每次家棟哥叫人將我吊上吊落，我都真係畀鐵鏈勒到，嗌Cut之後真係痛到喊！出嚟雖然得兩、三下，實際拍咗幾十下，有幾次我以為對手會斷添！但當我嗌得愈慘，大家以為我入晒戲，都唔知好嬲定好笑！不過真係多謝家棟哥，佢演得好投入好詭異，令我都好入戲，嗰排真係驚咗佢！」
講到今次遠赴埃及沙漠拍攝，秀文表示沙漠天氣極不穩定，這一秒好天氣，下一秒就落大雨，甚至有龍捲風，劇組要經常搵地方躲避，拍攝難度甚高也很辛苦。
來源 source: http://hk.on.cc
|
鍾意就快D Share啦！
|
|
|
