定欣話將來另一半唔做運動都會令到佢做！
藝人胡定欣除了是兩屆視后，更加能歌善舞可謂多才多藝，熱衷運動的她工作之餘經常健身，喜歡跑步和瑜伽，練就一身弗爆身形。日前她上到電台接受訪問，主持人問她單身兩年可會心急想拍拖？胡定欣就工作實在太忙：「感情嘢順其自然喇，冇得急，又急吓又唔急吓咁囉，真係好忙，一年365日有300日都喺將軍澳電視城嘅時候又何來會有男朋友呢，日日都係見住同一班人，連識人都冇時間。」
被問到會否藉運動識男仔？她說：「我都係喺健身室度比較多，都好少話會識到男仔，（揀另一半都要鍾意運動？）我覺得做運動係好嘅，如果對方都鍾意運動當然係bonus喇，如果對方唔鍾意都會令到佢鍾意，因為呢個係健康嘅事來。」
另外，最近和胡定欣合演舞台劇《偶然徐志摩》的男主角馬浚偉正正是圈中筍盤，大家同是演員，又喜歡跑步和打羽毛球，問到對方可是她杯茶？胡定欣尷尬大笑道：「但係佢忙過我喎！咁點算呀，好，等我喺呢個舞台劇綵排嘅過程了解吓佢先。」
來源 source: http://hk.on.cc
|
鍾意就快D Share啦！
|
|
|
