除咗佢先天嘅觸覺都要靠佢後天嘅勤力！
7、80年代DJ曾路得在電台節目暢談昔日廣播界的回憶，在美國完成學業返港的她，原本打算休息一段時間才找工作，但主日學老師誤以為她找不到工作，偶然聽到電台節目表示想請人，講明應徵者「要肥並懂唱歌」，結果老師代曾路得寫應徵信至電台。她笑說：「我從來冇諗過加入電台，因為我完唔識中文，但為免辜負老師一番好意，咪去面試。估唔到當時電台方面全程用英語同我面試，冇過問我嘅中文程度，又冇試音，只係話份工好易，同美國電台一樣。」
曾路得表示起初也以為自己只需負責播歌，不用開咪，便答應每天做一小時節目的兼職，同時她亦已經準備到無綫上班。她說：「我主持人生第一個電台節目叫《得妹一小時》，嗰時先發現做主持，除咗要計劃歌單，原來仲要喺歌曲之間講嘢，結果唔係好識中文嘅我，下過一番苦功學講嘢，我係先用英文寫稿，再用羅馬拼音逐隻字翻譯。最初她完全唔敢現場直播，好彩恩師錢錢（六啤半成員之一）主動幫我錄音，又教我唔少廣播技巧，一年後我先有信心主持直播節目。」
談到80年代，電台競爭相當激烈，更是DJ文化盛行之時，她說：「嗰時我哋做節目時，大家會Mon（監察）住對家做緊乜，你講一句我又駁一句，總之做乜都要好過隔離台。當時唔覺得係良性競爭，直情係你死我活。」不過DJ們鬥還鬥，私下大家相處很好，即使剛在大氣電波唇槍舌劍，轉頭又會一起在飯堂食飯。
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
