鄧麗欣(Stephy)、周秀娜、簡淑儀同趙慧珊(Aka)今朝一早到白石角海濱長廊參與「《愛·女孩》 起跑！」慈善跑活動，為發展中國家女孩爭取權益及公義籌款。大會原先都有安排佢哋落場跑，但娜姐早前因拍戲整傷腳，就無辦法落場跑。鄧麗欣原先諗住跑10公里，但10K活動會喺訪問前開始，唔想跑完之後身水身汗見傳媒，所以佢最後選擇跑3Ｋ賽，她說：「好少跑太長嘅賽事，見好多藝人都鍾意跑10Ｋ或者馬拉松，但自己就冇諗過要去挑戰，我體力ok嘅，但意志力唔夠。以前讀書係田徑隊，但係跑短跑，要有爆炸力，亦鍾意一啲多變化嘅運動，好似打排球咁，我只不過係外表比較文靜，但其實我鍾意玩啲郁動多嘅運動，例如打排球，長跑對我嚟講會覺得好悶。」好姊妹吳雨霏預產期係6、7月，佢話:「上次見完之後未見過佢，生之前點都會見多佢一次，近排見佢啲相仲係好瘦，都唔似有咗。」至於Stephy，她近日主要休息同睇劇本，更透露片酬有少少上升，如果遇到好劇本同導演，片酬幾多都唔會介意。
來源 source: http://nextplus.nextmedia.com
|
鍾意就快D Share啦！
|
|
|
