歌手謝安琪（Kay）和「生煎包王」蕭潤邦（Oscar）情如兄妹，兩人分別在社交網上載合作整「素食生煎包」的照片及搓麵糰短片，但Oscar未婚妻江若琳（Elanne）未見同場。Oscar謂：「岸K（Kay）前排同我講，有間公司研發咗一種素豬肉，好想試吓可唔可以做到生煎包，我覺得好有意思，於是我話岸K妹，好玩，有意義，一齊落手落腳玩吓事實證明，素豬肉一樣好味！各位，等我們好消息。」並多謝岸K妹令我眼界大開。
做Oscar助手
而Kay就謂難得Oscar於周六竟然不拍拖，到上環餐廳，即席示範用由她代言代的素食做生煎包，她心心眼大讚：「佢全程相當認真，個氣勢成個賭神咁，又有功架又型又盛，啲素生煎包正到爆汁，全程勁多歡呼聲同埋掌聲位，本人企喺隔籬做助手，已經覺得非常有『飛屎』（面子），素生煎包啲相一WhatsApp出去，全部朋友反應非常熱烈，搞到我WhatsApp Crash咗一晚都未用得返，結果今日要Reinstall過，咁係證明咗，我啲朋友成日都非常肚餓，希望到時正式推出。」
「處女落場」整包
Kay接受東網訪問時，她表示本身是素食品牌代言，加上亦是生煎包店投資者之一，故很早前已有構思將兩個品牌二合為一，故相約Oscar齊落手落腳做一次研發中的素食生煎包。「處女落場」整包的Kay謂：「我覺得整包嘅工序，唔係好難，但一定要練好耐，其實啲素包材料好簡單，麵包、水啦，其實根本乜都冇，只有素豬肉，皮都好簡單，完全有調味，素肉就加咗鹽、糖、胡椒粉，少少麻油咁，簡單都不得了，但已經好好食囉。」不過覺得能泡製出一個又軟又多汁的包包殊不簡單，其中經驗及手勢是成功要素之一：「中間搓麵粉搓到咩狀態，呢啲就係經驗嘞，啲包點搓成薄皮，碌到佢圓Dup Dup，包又包到咁靚，煎都係件重要事，點先煎到佢發起又唔燶，個火喉，同埋煎梗時加幾多水，加幾多油咁。」Kay一輪嘴大讚Oscar：「我覺得佢好勁，同埋最後落芝麻、落葱時，佢都係好Man嘅，我自意做佢小助手，喺佢側面協助佢，啲男同事都好仰慕佢，」問可留其首個包給老公張繼聰品嘗？她竟然益了其他同事，她說：「冇呀，因為現場太受歡迎，畀現場朋友一掃而空，阿聰可以同Oscar一齊再整，但其他同事冇乜機會見到佢。」問到對素食包有何期望，她謂：「將素食融入去好常食到嘅嘢，唔係要全部人都轉晒素食，只係想多啲素食而好味畀人揀，最初我都諗過呢個構思，佢（Oscar）一口答應，依家仲研發緊，望遲啲有呢個素食，同埋我哋研發嘅應好快推出，我希望透過人氣店普及呢啲素食。」
心中目女超人
至於Oscar被問到到底未婚妻Elanne定「妹妹」Kay手勢好？他笑言：「呢個問題同送我去死冇分別喎，一個係我老婆，一個係好朋友，兩個都堅，兩個都為呢個地球做咁多事，佢兩個簡直係我心中目嘅女超人啦。」其後Oscar再說：「梗係Elanne手勢好啲啦，因為阿Kay成日為呢個世界做啲貢獻嘅人，依然有隻發研究素食豬肉，好想試一試，佢係生煎包王其中一個要員，佢為包要諗多啲花臣啦，佢又係食素。」又指不少食客也是素食者，現時他開多幾間分店，且人手更充裕，令他有時間將素包研發，又謂：「阿Kay研發咗素肉，佢問我想試做生煎包、小籠包嘅感覺，我咪試吓，我冇預佢幫手，但佢見我一個人好幫得手，主要係抺嘢囉，好似有潔癮咁，抺到乜嘢都『令立立』，搞到我好唔好意思咁，結果素肉包同真豬肉生煎包有九成似，希望素食可以盡快普及推出。」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
