網友紛紛鬧爆Andi！（左圖左）（資料圖片）
吳綺莉女兒吳卓林同女友Andi喺加拿大拍片求救，兩人喺片中話三餐不繼兼慘到瞓天橋底，原來日前Andi仲喺社交網以英語寫咗一篇長文，指身為教師嘅佢，認為依家好多家長都唔識「教仔」。不過Andi嘅朋友幾乎全部鬧佢多過撐佢，話佢係「垃圾」，有啲直情爆晒粗，話Andi成三十歲人，仲不務正業兼教壞卓林「乞錢」！
喺本月廿三日，亦即係卓林拍片尋父求救之前，Andi喺社交網以為人師表嘅身份，話好多家長唔識教仔！佢話好多家長成日想小朋友做番家長以前做唔到嘅嘢，佢話：「對你嘅小朋友，如果你養唔到，唔可以同佢一齊玩，甚至只識說教而唔係去教，即係你無能！唔該，咁你停止你呢啲無理嘅要求！家長唔只係畀小朋友餐餐食得有營養就夠，希望家長明白小朋友所有嘅行為，學校嘅教師係冇責任。我教書教咗八年，好嘅、壞嘅情況都見過，我最大年紀嘅學生係十歲，基本上十歲後嘅學生面對嘅處境仲難，尤其係一啲將踏入青春期嘅、本身一直身心受虐待兼被確診係有心理問題嘅學生。」
唔少Andi嘅朋友紛紛留言，直插Andi「唔好大教壞細」，紛紛用英文留言爆seed：「你咪做垃圾，快啲去搵嘢做個個都知你想喺成龍個女身上攞啲乜」、「你成三十歲人，點解唔搵番份工畀卓林有瓦遮頭？你心理有問題？你殘廢搵唔到工？我唔明！」、「老師！唔好再教卓林去乞錢！」、「你係愛卓林，應該叫佢返阿媽屋企！」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
