歌手周永恒（Roy）跟趙頌茹（Yu）在2014因公司拍檔劉依靜介入而爆出婚變，今年5月阿Roy與內地女友陳薇（Britni）入紙申請註冊結婚，盛傳陳薇是奉子成婚，預產期是下個月，消息指陳薇肚裏的BB是囝囝。
阿Roy當年被爆偷食導致婚姻破裂，當時他爆喊又自責係「人渣」，最近他在訪問中再次聲淚俱下，喊晒向前妻講對唔住，因為兩個女兒不願見他，四年來父女都冇見過面，他再自責虧欠她們太多。
過咗去唔好再loop
阿Yu接受東網訪問，被問阿Roy聲稱要跟她講對唔住？Yu回答：「都過咗去，仲講呢啲咁得意嘅。（你原諒佢？）我諗事情唔係原諒，佢有佢生活，我有我工作忙，既然已經過去，就唔好再loop（循環）」
等機會安排父女見面
阿Roy是否四年冇見兩個女？Yu說：「差唔多。（嫲嫲有冇見兩個孫女？）有！（係咪兩個女唔肯見爸爸？）兩個小朋友愈來愈大有佢哋嘅諗法，佢哋有佢哋擔心，暫時意願係唔想，有啲心理關口未得，我係做陪談員角色，等佢哋有一日覺得OK，我一定會安排。」
各自生活：唔關我事
問阿Roy離婚後可有給她贍養費？Yu說：「我係用一元形式一次過畀咗，至於小朋友嘅生活費，離婚後最初兩個月有畀，之後又冇，不過呢個月佢又有畀，總共畀咗三個月，我唔知佢係咪有啲咩困難，呢啲係佢要做嘅嘢，冇得迫，真心嘅我寧願靠自己，努力工作養活兩個女兒。」
真情對話：謝謝你做我女兒
Yu在微博紀錄了與女兒的一段話：「今天和大女兒對話，由於要購買樂器加上是初學，我便問她想買一個比較平的還是比較貴的，她的答案令我覺得她有長大了。她說：『平的，因為希望家裏的錢會多一點。』她的懂事我很感動，不是錢多了還是少了。而是她的乖孝懂事，我很感恩。」及後她補充，當然女兒有時還是很跳皮：「謝謝你做我女兒」。
此外，對前夫的太太傳出有喜，下個月生得，Yu說：「各有各嘅生活，唔關我事。」
----------------------------
東網巨星開咗ig喇，大家快啲follow
https://bit.ly/2JjSVcr
|
鍾意就快D Share啦！
|
|
|