過住十幾年少奶奶生活嘅邱淑貞，住嘅係億萬豪宅，坐嘅係百萬靚車，但佢哋一家不時俾人發現，鍾意去平民餐廳開飯。
身為I.T集團主席嘅沈嘉偉，成日揸住百萬辣跑，老婆同阿女就去名店掃貨。但講到食呢，佢地兩公婆就深明貴唔一定好呢個道理啦!成日俾人發現佢地踎茶餐廳。
其中筲箕灣嘅安利魚蛋粉麵，就係沈嘉偉兩公婆嘅至愛，為咗食呢度碗粉，成日同其他食客迫埋一齊搭枱都無所謂。鍾意食燒味嘅沈嘉偉，好少去鏞記，反而平民茶記太興同灣仔再興先至係佢心頭好。之前佢就同班灣仔街坊一齊排隊，喺再興燒臘店斬料返屋企嘆。至於邱淑貞，唔食茶記嘅日子，都會湊住個女去幫襯老麥。衣食住行，只有食呢一瓣，沈嘉偉兩公婆係玩貼地。
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|