【有片】杜汶澤煮麵撻Q向網民認錯 順便串爆「師奶呃錢電視節目主持人」
撰文：東方新地｜圖片：杜汶澤 喱騷 Chapman To’s late show、無綫節目截圖
杜汶澤煮麵失敗道歉 不忘寸爆「呃錢電視節目主持人」……
杜汶澤FB頻道《 喱騷 Chapman To’s late show》時事、政治、娛樂乜都X一餐，阿澤同一班主持喺鏡頭狂爆粗無顧忌，夠晒踩界網民至like。其中阿澤同索女貝依霖(Chantale)主持的「為何深夜總是餓」乃最受歡迎環節之一，可以學煮「好西」又有索女睇，對眼真係好唔得閒！今集阿澤就教整喺酒樓成日食的「肉絲炒麵」，不過之後就出事了……
煎燶麵爆晒粗
不過大家要明白，基於消防條例，開放式廚房係唔可以用明火，所以阿澤喺節目中只可以用電磁爐，不過就因為電磁爐火力唔夠猛，搞到個麵黐晒鑊！阿澤見狀即時爆咗句粗，但又話之後個麵會甩番出嚟。
「師奶教煮餸呃錢電視節目主持人」？
網民睇完節目就好大反應啦，話阿澤個肉絲炒麵明顯就係失敗作，個麵唔脆又黐晒底，咁都照出街有冇搞錯！有錯當然要認，阿澤好快喺FB出post道歉，承認個麵係失敗之作。但阿澤喺文末都不忘暗寸：「因為我不想淪為連焗嚿斧頭扒焗完都唔敢切開比觀眾睇嘅師奶教煮餸呃錢電視節目主持人！」
大台力sell斧頭扒 肥媽話全世界都流行
「焗嚿斧頭扒」、「焗完都唔敢切開」、「師奶教煮餸呃錢電視節目主持人」… 阿澤明顯就講緊肥媽主持的無綫節目《肥媽優質食好D》喎！大家都知大台大力發展Big Big Shop，價值538元的帶骨斧頭扒更是熱賣推介之一，所以肥媽當然要喺節目大力推介，話嚿斧頭扒個牌子係英國皇室御用、又話全世界都流行食乜乜乜。
睇片
《為何深夜總是餓》 第二十六回細個嗰陣，有好多嘢你都唔鍾意食，但係到你大個，啲童年回憶返嚟喇，你又突然會接受甚至乎愛上咗！正所謂「細個勁L憎 大個成日恨」，就好似「肉絲炒麵」咁，明明係頹麵，但係只要你識煮，一樣可以煮到唔會毀童年嘅效果！#杜汶澤喱騷 #為何深夜總是餓 #GeniusBar #壹鳩大事回顧 #chapmantolateshow=========================【一週節目重溫】🔴星期一《為何深夜總是餓》：22/10－男士保健韭菜羊肉餃（https://bit.ly/2PIscG9）⚪星期三《GENIUS BAR》：24/10－ 你有壓力我有壓力（https://bit.ly/2EJVOCc)🔵星期五《壹鳩大事回顧》：26/10－ 第十三回（http://bit.ly/2RiYd89)=========================🎥杜汶澤喱騷Chapman To’s Late Show YouTube Channel：https://bit.ly/2K5ZyPL
Posted by杜汶澤 喱騷 Chapman To’s late showon Monday, 29 October 2018
膠通消息來源：東方新地、杜汶澤喱騷
|
鍾意就快D Share啦！
|
|
|