熱爆娛樂: 【狗仔出更】孫耀威濕平拋離老婆九丈遠陳美詩全程做跟得夫人 _

2019年7月8日星期一

【狗仔出更】孫耀威濕平拋離老婆九丈遠陳美詩全程做跟得夫人 __,孫耀威,陳美詩,

46歲孫耀威（Eric）和老婆陳美詩（Macy）結婚兩年，可能婚姻的新鮮感剛過去，日前兩夫婦孖女友人到金鐘濕平，由到達至離去的個多小時，Eric習慣性地一馬當先，Macy差不多全程做跟得夫人，被老公撇甩七、八個身位，幾乎以為兩人唔識，十分搞笑。

日前下午約4時許，《蘋果》發現Eric做柴可夫接載老婆和女友人到太古廣場，他將座駕停泊在停車場，Macy落車後站在車旁等埋老公，表現得好體貼，怎知粗心大意的Eric行得好快，將老婆遙遙甩在身後，一行三人先上3樓去洗手間，之後就入了一間名店購物。

現場所見，兩女集中睇手袋、披肩等新貨，不過，大部份時間都是女友人在挑選，Macy在旁給予意見，至於戴cap帽和黑超的Eric就在店內周圍行，有時就陪老婆睇披肩，有時就撳電話打發時間，Macy擔心老公等得悶，間中都有行去跟老公傾偈，三人在店中逗留了個多小時，女友人先行離去，約15分鐘後，兩夫婦才離去，Eric負責拿着一袋戰利品。

離開名店後，Eric又再次一馬當先走在前面，冇等埋老婆並肩行，似乎十分大男人，他的一步等於老婆的三步，Macy再次被老公甩在身後，兩人距離越來越遠，直至搭自動電梯落樓到客戶服務部，兩夫婦終於「合體」了。

採訪、攝影：吳耀輝、徐錦池

採訪、攝影：吳耀輝、徐錦池	孫耀威落車即快步上商場，老婆被拋離身後。	 初時孫耀威都有陪老婆揀披肩。
 但大多時間都是傾電話。	 離去時孫耀威又一馬當先。	 好在都有幫老婆拿戰利品。
 將老婆拋離七、八個身位，似乎未夠體貼喎！	 兩夫婦搭自動電梯時終於合體。