【新增內容】
「長腳蟹」呂慧儀與張景淳拍《愛．回家之開心速遞》戲假情真，今日被《蘋果》率先踢爆拖手睇戲，再共同返回屯門寓所。
失婚後極速再墜愛河，《愛．回家》同劇演員都紛紛送上祝福，呂慧儀下午在IG Story開腔，沒承認亦沒否認，只簡單說：「喜歡現在的生活，簡簡單單的開開心心的，不要想太遠太遠。」張景淳登堂入室，呂慧儀亦婉轉地說：「愛回家的每一位都是家人，有你們真好。」
呂慧儀今日返到將軍澳開工，她受訪時就表示睇戲是正常社交活動，又指張景淳是好拍檔，現時以工作為重：「發展機會唔諗住，冇時間拍拖。會同龔燁（張景淳）、熊家熟啲，傾多啲偈，平時熊家都有食飯，只係特別與龔燁特別熟。」
當講到兩人覓食路線相當長，她就指：「呢啲唔回應，收工傾下劇本好平常。」而未來感情發展，她就保留可能性：「將來關係唔知，可能佢同我老闆（即兒子蟹籽）上契都唔定呢。」但一講到拖手時，她就以笑帶過：「哈哈哈，拖咩手呀？」
呂慧儀講起兒子時又表示：「而家以工作及我老闆為重，我淨係想同老闆一齊，佢晚晚都攬住我瞓。希望佢順利完成晒小學面試。」她又指若果拍拖，男朋友都要先過蟹籽一關。
張景淳亦口脗一致說兩人是好朋友、好拍檔，希望保持現狀。當日他有到呂慧儀屯門寓所，他就說：「做完嘢，食飯傾偈，拮完魚蛋就走人啦。」
呂慧儀晚上約7時半獨自揸車離開將軍澳，記者上前恭喜她，她帶著燦爛笑容揮手離去。
呂慧儀與張景淳在《愛．回家》中演情侶，今年3月呂慧儀宣佈已離婚，劇集亦似乎有意安慰呂慧儀，在情人節一集撮合雙方。之後兩人出席劇集宣傳都糖黐豆，羨煞旁人。
-----------------------------
【每周送10萬】
升級壹會員獨家尊享，立即參加10萬火急大抽獎!
*推廣生意的競賽牌照號碼：52302-9
|
鍾意就快D Share啦！
|
|
|