近日忙開劇的張曦雯，昨晚難得不用開工，約了兩位高妹好友到中環嘉年華耍樂，同行還有一位小妹妹，她們進入後先周圍逛了一會，小妹妹對每種機動遊戲都好有興趣，一行四人更往鬼屋探險，分坐兩架車，張曦雯陪小妹妹同坐一架車先入去，她們表現興奮，看來鬼屋內不夠驚嚇。張曦雯和小妹妹玩完出來，兩人竟躲到一個欄杆後，原來準備撲出突擊嚇小妹妹媽咪及另一女伴，有巿民發現張曦雯時上前集郵，她都親切答應。
其後，張曦雯跟友人又到了玩攤位遊戲，齊齊掟飛鏢，小妹妹期待可以得到掟中的毛公仔，張曦雯非常盡力去掟，雖然最後未能贏得大公仔，但都有小公仔收穫，小妹妹開心的捧着走，一臉滿足的笑容，玩得好開心。張曦雯今日回覆傳媒時說：「噚晚同行係我以前做model嘅朋友，小朋友係其中一個朋友囡囡，我由細睇到佢大，咁啱有時間約埋去玩，小妹妹好想掟公仔，我唯有盡力，唔想令佢失望，掟時手都震埋，好大壓力，唔想佢唔開心。」
採訪、影攝：梁繼光
來源 source: http://hk.entertainment.appledaily.com
|
鍾意就快D Share啦！
|
|
|