2019年12月19日星期四

【頭條獨家】拍《筍盤》浪漫戲喊到流鼻涕李靖筠爆陳家樂唔敢咀嘴 __,陳家樂,

【頭條獨家】拍《筍盤》浪漫戲喊到流鼻涕李靖筠爆陳家樂唔敢咀嘴

家樂和Gladys笑言想繼續合作，做一對最唔合襯的熒幕情侶。

陳家樂和李靖筠（Gladys）最近在賀歲片《我的筍盤男友》中首度合演情侶，雖然兩人都覺得對方好容易溝通，不過亦認為是最不合襯的熒幕情侶，但正正符合角色需要，因戲中家樂演高富帥的青年才俊，而Gladys只是個靠做兼職生活的平凡少女。講到最深刻戲份，兩人都被結局的浪漫氣氛感動，而Gladys卻大爆拍攝時家樂望住喊到流晒鼻涕的她，竟一度猶疑差啲唔敢咀落去，場面相當爆笑！撰文：杜淑霞攝影：李權威髮型：kenrickSiu(陳家樂)、Ziv Yeung @zivyeunghair(李靖筠) 化妝：Yannis Yip(陳家樂)、ShuenKong@WiLL Wong(李靖筠)服裝：@hugo_offical#iamhugo 珠寶首飾及場地：英皇鐘錶珠寶中環旗艦店

家樂大讚Gladys性格爽朗好易熟絡同合作，兩人講到流鼻涕一事，笑唔停就知有幾熟絡。

最初得知跟師兄家樂合作，Gladys搞笑謂覺得三生有幸，「同個火紅火熱嘅前輩，萬人迷合作喎！不過佢有啲刻人憎嘅特質我係幾鍾意，好容易投入度角色，就係一啖沙糖一啖屎，譬如會主動幫你開門，但又會窒吓你咁。」至於家樂就直言最初覺得兩人好唔襯，「高度差好遠！（Gladys：咩呀！最萌身高差，差15cm差唔多啦!）嗰時未睇劇本，係有呢個擔心，睇完劇本覺得幾有火花，因為係講兩個世界嘅人。」

介意做「筍盤」

講到戲中最深刻一幕，兩人都認為是浪漫結局，Gladys說：「一定係結局，我細個時對愛情同婚姻嘅幻想，呢場戲係超乎我幻想，當嗰日入到場景，我好開心有幸經歷呢件事，有男仔有心又有錢，買咗咁多部雪機喎！而感情亦都好真摰。」家樂亦補充：「見到佢喊晒，我都好感動，呢個女仔被我做呢啲嘢感動到流淚，仲鼻涕都流埋喎！」Gladys忍唔住爆：「我鼻敏感好嚴重，喊會流好多鼻水，佢仲要錫我，我見佢猶疑咗一陣嘅！」家樂就解釋：「導演唔cut我都要錫落去，我冇猶疑好耐嘅，哈哈！一秒度我係諗幫唔幫佢拎張紙巾抹下先錫，定係直接錫啫！」

戲中家樂演「筍盤」，家樂唔覺得自己係，亦好介意呢個稱號，「其實我唔鍾意『筍盤』呢個字，揀偶唔應該用一個字框住，即係唔應該有條件，譬如高富帥就叫做『筍盤』，我唔認同咁樣，鍾意就係鍾意，鍾意一個人唔會理佢有咩條件而去愛佢。同埋我第一次感覺好強烈，當咗係朋友就永遠係朋友，我都試過一見鍾情拍到拖。」至於Gladys亦認為揀對象不會睇條件，「其實我想搵一段關係，係一齊進步同學習，能夠好平衡，大家互勵互勉，對我更重要。」