掃呢頁CODE去手機

2019年12月30日 星期一

馮盈盈與十優醫生男友結束四年情 回顧二人放閃情路 娛樂,馮盈盈

馮盈盈參選2016年度港姐奪冠入行,喺TVB發展一帆風順可謂扶搖直上,擔任《#後生仔傾吓偈》主持,大膽言論被封為「性博士」,但其實私底下嘅佢係絕世好女 ...




馮盈盈參選2016年度港姐奪冠入行,喺TVB發展一帆風順可謂扶搖直上,擔任《#後生仔傾吓偈》主持,大膽言論被封為「性博士」,但其實私底下嘅佢係絕世好女友。有別於其他新人收埋戀情,盈盈自選美時已經公開承認有個醫生男友Martin(寶寶),外界一早睇好佢地隨時拉埋天窗,估唔到最終分手收場。睇返呢幾年馮盈盈曾多次瘋狂放閃,依家睇返轉頭更不勝唏噓。

患難見真情

馮盈盈曾經喺訪問中透露,去年錄緊節目小休時發現miss call,知道媽媽突然心臟病發入院:「原來細佬同媽咪出去食飯途中心臟病發入院,仲要入深切治療部,可能有血管栓塞需要通波仔。」感到十分徬徨嘅盈盈,唯有打畀寶寶,原來佢已經出發去照顧馮家上下。盈盈感動表示:「嗰一刻我好內疚......寶寶除咗平時照顧我之外,連我屋企發生事,都是由佢嚟照顧及安頓,好彩身邊有佢。」

夾錢買樓同居

唔少香港人以置業上樓為目標,今年Martin以個人名義置業,盈盈瞞着家人出錢幫手俾首期,而且層樓仲無落名,全屬Martin所有。盈盈稱:「反正我又不是畀晒全部,只是一部份,始終香港買樓真係好貴,即使比較高收入人士,首次置業都好困難,作為女朋友都希望可以幫吓忙。」其後佢亦不時喺節目透露裝修及同居生活情況,直認不諱指本身諗住同居係可以過下溫馨二人世界,點知而家每日就係洗衫、吸塵、洗衫無限loop。「做到好攰,一上床諗住傾吓偈,點知寶寶已經瞓咗。」



















公開肉麻互動放閃

盈盈主持《#後生仔傾吓偈》時,幾乎隔兩集就會提起男友,曾經有一集以「怪癖」為主題,盈盈透露:「我同男朋友最親密的活動就係擠粉刺,佢真係好髒,好多寶藏可以亂擠……」情侶之間其實不時都有呢啲互動,但馮盈盈就將此舉動升級到「抆鼻毛」,唔係修剪而且直接用手抆,她更興奮表示要抆到連毛囊一拼拔起才算是成功……又再自爆自己本身好鍾意閒男友胳肋底,二人相處真係去到赤裸裸嘅程度……











視對方為結婚對象

報名參選港姐時二人已經拍緊拖,盈盈入行獲男友無限量支持,Martin不單止讀傳統名校喇沙書院,更係2005年會考十優狀元,現職瑪麗醫院醫生。佢嘅EQ相當高,就算盈盈遇上工作有壓力發脾氣,都甘願做佢嘅出氣袋。即使二人工作關係生活作息南轅北轍,都會互相遷就爭取時間拍拖。盈盈早前更喺《娛樂大家》中,以「老公」稱呼男友,可惜,此情最終未能走到盡頭。




















來源 source: http://www.hk01.com
鍾意就快D Share啦!