其實廚藝唔差。
天王部富城老婆方媛自從生咗兩個囡囡之後，專心照顧屋企比較少出席活動公開見人，呢日佢喺社交網分享同朋友玩煮飯仔嘅片段，當中一個動作暴露咗佢入廚經驗唔夠豐富添！
條片係方媛去咗上海搵幾位好姊妹飯敍，由買餸到落廚佢都有參與，唔知係咪平時有工人代勞，買完餸面對自助收銀機時唔係好識用，搞咗一輪先畀到錢，離開超市時見到有啲得意嘅衫仔，方媛即時拎起睇吓，似係想買畀囡囡，就算去姊妹相聚，佢個心都係掛住囡囡。返到朋友屋企開漿整理食材，佢由洗到切都係自己落手，不過係煮嘅時候，佢用個鑊蓋擺喺同個爐中間，睇嚟係怕畀啲油彈親，睇開飲食節目都會留意到，冇一位大廚會咁做，相信佢都係經驗不足。
轉吓眼就煮完，四餸一湯買相唔錯，包括：絲瓜蛋湯、糖醋排骨、基圍蝦、酸菜魚及雜豆炒腸仔，方媛仲爆囡囡好鍾意食青豆，所以成日都會煮雜豆炒腸仔畀佢食。
來源 source: http://hk.on.cc
|
鍾意就快D Share啦！
|
|
|