右邊張床引起網民熱論！
女星Angelababy（Baby）最近同吳亦凡、魏大勛、趙今麥等參演大陸綜藝節目《潮流合夥人》，喺節目中大晒素顏，唔少網民都大讚靚！不過喺其中一集中，講到Baby同趙今麥所住嘅房間漏水，所以叫咗兩位男生入房幫手睇睇，令女生房間曝光！房內除咗有兩張床，仲有櫈同梳化等等…而上面都係擺滿晒衫，睇嚟非常凌亂！
當鏡頭影到兩位女生嘅床時，一張床上嘅被好整齊，而另一張就亂成一團，究竟邊個打邊個嘅呢？去到夜晚瞓覺時，謎底終於打開，原來唔摺被嘅係Baby，網民都估唔到最年輕嘅趙今麥仲有條理過Baby，慨嘆話：「黃曉明真不管管嗎？」、「不用做家務嗎？」
另外，Baby喺節目中透露，第一份工係做Model，拍一次係600蚊，未幾就轉做兒童節目主持，每個月有4,000蚊，固定收入2年！吳亦凡就問佢當時幾大，Baby就話：「15、16歲！」吳亦凡都不敢相信再問多次，驚嘆：「你也很厲害！」工作後，Baby就開始經濟獨立，唔使問屋企人攞錢喇！
來源 source: http://hk.on.cc
|
鍾意就快D Share啦！
|
|
|