39歲百億郭太熊黛林2016年嫁給郭可盈胞弟郭可頌，去年更誕下孖女Kaylor和Lyvia，變成四口幸福之家，熊黛林不時在社交網分享一對孖女的生活照，她們轉眼便1歲多，會行會走好精靈。讀者尹小姐日前透過《蘋果》的「爆相爆片」分享了熊黛林夫婦帶孖女到山頂遊樂場玩樂的相片。
熊黛林當日素顏湊女，戴上口罩，一身便服打扮，老公郭可頌則戴了黑超，孖女則穿上同款粉紅色羽絨外套，同行有一位長者和外傭，四大兩小出動。熊黛林和老公負責湊着其中一名女兒，另一名由外傭及長者照顧，分工合作，孖女各自活動。讀者尹小姐說：「嗰日係星期日，公園都幾多人，佢哋都唔嫌帶孖女嚟玩，我先見到熊黛林同一位長者同工人帶住孖女，跟住後就見到佢老公。孖女周圍走玩得好開心，佢哋玩攀爬遊戲，熊黛林兩公婆見囡囡爬到，都有用廣東話讚佢『好叻』。孖女都好乖好聽話，我見佢哋大約玩咗半小時就走咗。」即使郭可頌擁百億身家，但他們的家庭樂跟普通人沒分別，十分貼地去公園享受免費娛樂。
來源 source: http://hk.entertainment.appledaily.com
|
鍾意就快D Share啦！
|
|
|