希望早日康復。
現時流感高峰期，前港姐冠軍張嘉兒今日於社交網發文，與大女均不幸中招，患上乙型流感。她透露大女上星期六起開始發燒，又接連頭痛、肚痛，令身為媽媽的她極為心痛：「我同大女都中咗乙型流感啊。佢星期六突然間發燒，星期一帶佢去睇醫生做特快測試，確認係influenza B，我負責近距離照顧佢，帶（戴）住口罩都俾（畀）佢傳染到。佢今日最後一日食特敏福啦，見佢都應該康復八成。之前果（嗰）五日佢簡直係謝曬（晒），又發燒冇胃口，又話自己喉嚨痛頭痛肚痛，搞到好似又瘦左（咗）幾磅咁，心痛死我。」
多得媽媽幫手照顧
她續指雖被大女傳染，但由於進食特效藥後需停止餵人奶，故為了細女着想，堅持不用藥：「至於我仍然係未好返，同埋我冇食流感特效藥，因為醫生話食咗，要兩日停人奶，咁我又唔想犧牲細女。好彩呢段時間，我媽咪溫哥華返嚟諗住過新年，幫我同細女訓（瞓），等我可以隔離兩姊妹，如果唔係妹妹病咗都唔知點算呀。」母愛真偉大。
來源 source: http://hk.on.cc
|
鍾意就快D Share啦！
|
|
|