去年大豐收嘅Twins，收入豬籠入水。鍾欣潼（阿嬌）合共拍咗四個內地綜藝節目，又參演咗兩套電影，仲有多個商演活動；而阿Sa就接拍咗《感動她77次》、《神探大戰》、《給我一天》合共三套電影，又參演舞台劇，同樣係吸金力驚人。
踏入新一年，佢哋都各自有新嘅目標。早前，阿嬌老公賴弘國喺台灣開咗自己第一間美學醫療院，阿嬌正式榮升做老闆娘，佢當然希望老公生意興隆再開分店。至於阿嬌自己，都有一個好大嘅夢想，就係開一間電影院。阿嬌話：「我好鍾意睇觀眾嘅反應，即時知道套戲好唔好睇！」至於阿Sa，過往就一直夢想擁有自己嘅私人飛機、遊艇，以及電影院；不過，私人飛機同遊艇嘅保養及維修，既使錢又麻煩，所以慢慢改變諗法。阿Sa笑話：「我根本唔需要自己擁有，因為老闆有，我哋就可以享用到，哈哈！」最近，老闆楊受成博士喺尖沙咀投資開咗間英皇戲院，阿Sa再講笑話：「可能老闆知道我嘅夢想，佢一一幫我完成晒，呢家連戲院都有喇，我可以話係夢想成真！」
日前，東姑就陪埋阿Sa、阿嬌去到尖沙咀iSQUARE英皇戲院體驗。兩人都大讚戲院視聽設備一流，全港最IMAX with Laser巨幕夠晒震撼，同時又提供網上購票免手續費，e-Ticket直接入場，真係超方便。而且戲院小食都好有心思，選擇眾多，仲有專業調酒師駐場，為客人即席調酒，將型格酒吧體驗帶入戲院。
阿Sa特別欣賞有十六個座位嘅貴賓影院品牌the CORONET，仲決定下次有慶祝活動，會約埋阿嬌、容祖兒、關智斌、洪卓立、李靖筠等一班英皇兄弟姊妹，嚟到呢度開觀影派對，實行一邊欣賞電影、一邊玩個痛快！
同樣有過開戲院夢想嘅Twins，去到尖沙咀iSQUARE新開嘅英皇戲院，體驗五星級奢華觀影享受。
入到全港最大嘅IMAX影院，Twins大呼震撼， 兼大讚影院音響一流、影像畫質超靚。
坐喺戲院入面，可以一邊享受美食、一邊睇戲，同朋友消閒及伴侶拍拖，都感覺超正！
戲院嘅小食部，十分有心思，食物選擇眾多，仲有專業調酒師駐場，為客人即場調酒。
阿Sa特別欣賞只得十六個座位嘅貴賓影院the CORONET，仲打算約埋容祖兒、洪卓立等，一齊開個觀影party。
楊受成博士投資嘅英皇戲院，設備齊全，科技先進，為觀眾帶來全新睇戲享受。
早前，周家怡都去過新開嘅英皇戲院，享受過十六座位嘅the CORONET影院。
英皇今年最有潛質新人李靖筠，早前亦到訪英皇戲院，體驗小食部酒吧嘅質素，入場前嗒番杯紅酒，認真識歎！
來源 source: http://eastweek.my-magazine.me
|
鍾意就快D Share啦！
|
|
|