陳敏之話呢一分鐘訂到，下一分鐘已經訂唔到！
藝人陳敏之今晚出席無綫活動《金鼠迎春接萬福》，近日肺炎疫情嚴峻，家有小朋友的敏之特別緊張，做足防禦措施，她透露：「今年同往年唔同，要低調啲，以前節目排到滿，想小朋友感受到過年氣氛，但今年去完奶奶度拜年就留喺屋企，而大人都要分外小心，惹到小朋友就慘，所以好多活動都取消，出街食飯都唔會，想做到自我隔離外界！（訂口罩？）訂情好緊張，我好辛苦先訂到幾箱，幫奶奶、家傭姐姐同自己屋企訂，呢一分鐘訂到，但下一分鐘就訂唔到。（幾箱好多？）唔多，往後幾個月都有得用，同埋都要常洗手，起碼要20秒，唔好去人多地方。」
問到阿仔有冇為此唔開心？敏之表示：「佢得三歲，唔識咁多，反而有好多人喺屋企陪玩就開心，依家最想快啲搵到疫苗解決，等病人都冇生命危險，其實醫護人員都好冒險，佢哋都有親人嘛！總之大家食多啲維他命C，有過以前沙士經驗，大家意識強咗，識保護自己。」
來源 source: http://hk.on.cc
|
鍾意就快D Share啦！
|
|
|