2020年1月30日星期四

【口罩荒】李佳芯教自製「紙加布口罩」　蔡卓妍戴齊防疫三寶出街 __,李佳芯,蔡卓妍,阿Sa,

【口罩荒】李佳芯教自製「紙加布口罩」　蔡卓妍戴齊防疫三寶出街

蔡卓妍（右）蒙晒面出街，但李佳芯就話自己口罩都冇，慘！

武漢肺炎疫情持續升溫，為咗抗疫，你可以去到幾盡？

蔡卓妍（阿Sa）今日於社交網上載了一張自拍，並留言呼籲大家：「好好保護自己和他人，希望大家百毒不侵。」相中的她都戴齊「防疫三寶」，包括口罩、黑超和漁夫帽，非常小心，好友周勵淇見狀即追問：「親愛的要開工了？」一眾網民都即刻留言叫阿Sa：「不要亂跑，注意身體」、「照顧好自己」、「記得用酒精搓手呀」等，不過亦又人驚訝說：「竟然有高級裝備n95？！」

然而不少網民都表示搶唔到口罩，好似李佳芯（Ali）則於Instagram（Ig）發文，自爆「口罩我都冇」，但「佛系」的她寫道：「當世界變得太快，我們更需要冷靜。」結果Ali冷靜下來，停一停諗一諗，然後建議：「紙口罩裏面加個布口罩，重用又環保，記得要消毒乾淨。」仲Hashtag溫馨提點大家「雙手多細菌切勿接觸面部」、「細菌本身唔識郁但人識」、「我們絕對可以預防並消除病毒」、「除了自保也要關心身邊人」、「一起打勝仗」！不少粉絲都留言同Ali打打氣，同時亦有網民提醒她：「布口罩加紙口罩都可能唔安全㗎」、「布口罩不防病毒的！武漢肺炎的病原體是病毒，比細菌更細！」所以話Fact Check真係好重要，尤其喺呢啲重要關頭，唔好人講你就信呀！

如果冇口罩，但手頭上有其他防疫產品存貨，不妨學吓鄧穎芝（Vangie）「以物易物」，剛從美國代購酒精搓手液回港的她，昨晚於Ig story貼出一張手揸一疊口罩的照片，Vangie寫道：「用搓手液換咗10個口罩。」果然係一個好方法！而另一個缺口罩的藝人苟芸慧（苟姑娘）就選擇「閉關」保護自己，她說：「沒口罩就乖乖留守家中！看看相片當自己出去過。保持好心態，人也會健康一點哦！」