陸浩明（6號）日前在無綫節目《後生仔傾吓偈》中因誤說：「香港係沙士病毒源頭」，被網民狂插，通訊事務管理局更收到逾600宗投訴，6號事後聲淚俱下致歉。曾跟6號合作《Ben Sir睇樓團》的歐陽偉豪（Ben Sir）以及曾是《後》主持的麥明詩，昨日分別在網上開腔護舊拍檔，Ben Sir直言覺得6號雖然錯，但有一個人更是罪魁禍首：「之前反送中期間，亦有KOL照樣瀨嘢，姑勿論表唔表態。藝人，KOL，以至社會每個階層都搞到咁分化，千錯萬錯個源頭一定係隻臭X！（利申：我下次做節目強烈要求不要配字幕！）」雖然Ben Sir沒有詳解「臭X」是誰，但大家當然心中有數。
至於麥明詩日前已曾幫6號解圍：「以我對6號嘅認識，佢係曲啩…？」但網民認為沙士一事，為港人帶來悲痛，不能以一句「曲」去解釋。麥明詩昨再在Ig撰長文，再次希望外界原諒6號，並為自己失言認錯，盼大家將關注放回「真黑心、不道德、埋沒良知」的人身上。至於一同主持《後》的馮盈盈昨日在將軍澳出席宣傳活動時表示有問候6號，他心情尚可，更透露稍後一集節目會為這言論再度澄清。
撰文：余嬌
來源 source: http://hk.entertainment.appledaily.com
|
鍾意就快D Share啦！
|
|
|
