武漢肺炎肆虐，停靠在日本橫濱港的「鑽石公主號」郵輪確診個案持續增加，不少港人仍滯留在船艙，當中包括商台DJ森美的父母，連日來森美都有透露對仍身處日本橫濱港船上的父母表示擔心，日前有指其父母隔離期滿後，回港不願隔離遭炮轟。
今日開始陸續有港人隔離期滿準備乘坐特區政府包機回港，森美在《早霸王》節目中交代父母情況，他稱船上港人對情況掌握不多，主要是靠香港新聞才得知，他為父母澄清：「阿媽同我講『阿仔我哋冇話唔返香港，冇話唔肯隔離』，我話我哋冇咁講，我都叫你哋返嚟要隔離。」
森美稱大批港人仍要等候檢驗結果，父母報告亦未收到，所以未知是否能今天落船：「上唔上到機未知，唔知結果出咗未，只能透過我講畀船上嘅屋企人知，佢哋返嚟就會接受隔離，佢哋叫我講畀大家聽，同埋冇乜嘢叫我唔好再講佢哋啦 。」
森美又透露從父母口中得知，的確有船上港人不願回港隔離：「有香港人唔想返香港，我重申係某一啲人心態，佢哋嘅諗法亦唔係我屋企人，佢哋覺得既然日本政府畀佢哋落船點解返嚟仲要隔離？我知有人會咁樣選擇，但香港政府已經講明外遊完返嚟都要隔離14日，所以而家暫時任何決定都不太理智。」
香港方面已派出入境處人員前往當地協助，但所得的資料仍不多，森美說：「因為日本政府未畀到資訊出嚟，而乘客們係以歲數分別去檢測，我爸爸媽媽嘅朋友驗先，結果佢身邊朋友冇事，我就安心啲啦，但仲未知落唔落到船，今日有幾多落到船入境處嗰邊都未知，日本檢測數字未公佈。」
森美叮囑能夠登機回港的朋友要小心，飛機上盡量做好安全保護：「唔好以為自己檢測咗冇事，大家飛機上唔好除口罩傾偈，我都叫爸爸媽媽如果上機唔好食嘢，去廁所要洗手清潔乾淨。」
森美都理解檢測方式不是百分百準確，故要回港隔離：「即使結果全部陰性，但如果測試唔係100%準確都有機會互相感染，而家喺口水分泌攞樣本，有時候個樣本啱唔啱或者病毒數量喺身體唔足夠都未必驗到，呢個先係返嚟香港要再隔離14日嘅原因。」
文：曹家誠
-----------------------------
第三屆最港電影大獎
按此立即投票
-----------------------------
《果GYM》隨身播 健身壹App過！
一按即玩
來源 source: http://hk.entertainment.appledaily.com
|
鍾意就快D Share啦！
|
|
|
