立法會今日開大會討論政府應對疫情工作。(羅錦鴻攝)
新冠肺炎肆虐，立法會今朝(19日)召開會議討論政府應對疫情嘅工作。因為避免交叉感染，主席梁君彥決定開3個鐘嘅會畀議員質詢，會議原本喺下晝2點結束，議員陳淑莊(Tanya)提議延長會議，但就畀梁一口拒絕，梁話自己有生理需要喎！
話說喺會議結束時，Tanya提議將會議延長15分鐘，又指既然咁多政府官員喺齊到，不如即時宣布加長會議再傾耐啲。梁君彥話自己已經喺寫畀議員嘅信度講得好清楚，唔想增加感染機會，所以會議要限喺3個鐘。議員林卓廷就反駁，就算再開多幾個鐘會，都係佢哋同一班議員啫，照計感染風險唔會升，又提議梁可以設個午飯時間。
因為內會仲未選到主席，所以無人接替梁主席個位主持會議，梁話希望大家明白無人幫佢補位，而人係有生理需要嘅，所以唔理佢哋，堅持宣布休會，睇嚟佢生理上好有需要，忍無可忍喇喎！
來源 source: http://hk.on.cc
|
鍾意就快D Share啦！
|
|
|
