- 【大台余德承隊友跳升男一】朱鑑然做DaDa老公好有壓力：想像佢係自己女朋友
- 20分鐘前
入行四年的朱鑑然，是前香港游泳代表隊，跟大台的余德丞份屬隊友。即使知名度不及對方，但這些年的演戲經驗卻相當豐富，近日更首度當上男主角，在Dada陳靜的新戲《BB復仇記》中飾演她的丈夫。
信心欠奉
16年拍《骨妹》入行的朱鑑然，短短四年拍過Viu Tv的《瑪嘉烈與大衛》、網劇《無間道》、還有《拆彈專家》、《獅子山上》等電影，加上他前運動員的身份，令他被導演陸以心睇中做《B》片的男主角。當事人坦言心情複雜：「做男主角喎，一知道已經覺得壓力好大！加上自問本身無呢份信心，覺得要做男主角， 作為演員，演技應該要好豐富，好全面。還好，呢一套屬於偏向女性嘅電影，所以焦點會放係女演員身上！導演同我講唔使太大壓力，因為呢個題材不需要諗太多，只要專注喺盡量將角色演好就得！」
同Dada密會建默契
朱鑑然三十出頭，自言人生經驗有限，仍是單身的他，根本不知道點樣做個好老公，導演提議他跟Dada預早建立默契。
「導演同我講，唔好諗太多，想像好似同自己女朋友相處，兩個人關係好好，會經常溝通。所以收到劇本後，經常跟DaDa排戲，導演亦有相約我哋兩個一齊吃飯、對戲、傾偈，好似喺呢個過程入面，同DaDa建立咗關係，自然演到好夫妻，因為夫妻之間最重就係溝通，而我同DaDa嘅溝通是好好嘅！」
密謀新嚐試
2016年離開游泳代表隊，朱鑑然一直想作新嚐試離開運動範疇，給他誤打誤撞遇上了演戲做演員。
「當時因為覺得係運動方面發展咗好耐，應該係時候轉戰另一個範疇。畢業前曾經做過Marketing實習生，然後發現自己坐唔定，都係要做啲活潑生動嘅工作比較好，慢慢接觸幕前，累積更多演出經驗，好喜歡又有趣！」
----------------------------
【壹週刊 武漢肺炎專頁】
緊貼防疫資訊！口罩訂購情況、確診個案、病徵潛伏期、封關國家名單、保險點賠？
與你遠離瘟疫 睇清官謊！
立即睇
]
-----------------------------
【壹週刊直播平台 ChannelNEXT】
專家教你自保攻略｜口罩點揀｜防疫點做
立即睇
-----------------------------
疫情追蹤，最新消息，Follow 壹週刊Telegram：
點擊追蹤
來源 source: http://nextplus.nextmedia.com
|
鍾意就快D Share啦！
|
|
|
