楊卓娜都真係好有心！
藝人楊卓娜一向熱愛整手工，依家武漢肺炎肆虐一罩難求，佢就同大家講等人救，不如自救，仲拍片教大家自製口罩套！見佢三兩下手勢就將兩塊布縫成圓桶形，咁就可以將個口罩攝入中間，楊卓娜留言：「DIY！大家一齊努力做囗罩套，保護好你的口罩，不搶奪資源！把醫療囗罩留給最需要的前線人員！」佢仲溫馨提示：「要多做幾個，勤洗換，換下的口罩套用膠袋袋起，回家徹底清潔消毒！更換之後，記得要洗手才換上新的口罩套！」
唔少粉絲都讚楊卓娜好有心，亦有粉絲留言建議佢喺布同同口罩中間加層冷氣過濾紙，而接觸面嗰一面再加張紙巾，如果唔係內層口罩都會污染。不過有網友質疑：「你自己裏面啲水氣會破壞個口罩結構，呢個方法唔可以用多過一日，最多只可以延長少少壽命。」楊卓娜亦回覆：「是的！我想多換幾次口罩套可能會好些！」
來源 source: http://hk.on.cc
|
鍾意就快D Share啦！
|
|
|