胡美貽受疫情影響，幾乎冇工開。
新冠肺炎肆虐重創各行各業，「34E女神」、無綫小花胡美貽（Nicole）工作亦大受影響，近月除了客串《踩過界II》一日戲份外，幾乎零工作。與其每日在家中發吽哣，她決定的起心肝踢走懶筋，日前在屋苑樓下跑步，舒展筋骨兼抗疫，穿Bra Top的她更脫去螢光色外套，俯身拉筋。
由於Nicole上圍豐滿，加上纖腰誘人，不時引來旁人眼望望，但她一於少理，熱身後就起步。她跑步時相當跌盪，約半小時後，跑到香汗淋漓就返歸。
落舖打雜Cut開支
除了跑步外，冇工開的Nicole亦到投資的食店打躉，據知因疫情關係生意額大跌，為縮減開支，她決定尖沙咀地舖的堂食樓層暫停營業，其餘所有店舖一律只做外賣，職員方面則只保留全職員工，寧願「降呢」親自打雜包裝食物，同時又監察食物衞生及消毒問題，確保顧客食得安心。東網聯絡上Nicole，她透露生意額尚可接受：「依家平均一日有4位數字收入，係旅遊區差啲，反而住宅區就維持到。有同業主傾過可唔可以減租，澳門就暫時唔開住囉！」
來源 source: http://hk.on.cc
|
鍾意就快D Share啦！
|
|
|
