2020年3月6日星期五

【頭條獨家】被插網紅轉拍TVB旅遊節目　Ming仔避談是非低調做事 #Ming仔 #TVB #梁嘉銘

【頭條獨家】被插網紅轉拍TVB旅遊節目　Ming仔避談是非低調做事

對於去年的「捐帛金」風波，不少網民發起「罷睇Ming仔」行動，Ming仔不願多談，但謂會繼續玩社交平台。

網絡紅人Ming仔（梁嘉銘）首度為無線旅遊節目《一個人去旅行》擔任主持，有別以往自家製的YouTube短片，今趟旅程多了一班攝製隊幫手，令他能夠專注做好主持工作外，亦能深度暢遊英倫三島。Ming仔早前曾因「捐帛金」風波被網民圍插，對此，他僅稱適當的時候會再交代，目前會低調地做嘢。撰文：黎寶倫攝影：張詠森

Ming仔主持的《一個人去旅行》已於周一（2日）首播，一向有拍旅遊短片放在YouTube的他，此趟首次深度遊北愛爾蘭、蘇格蘭和英格蘭，為大家介紹當地美食、景點及新玩意，當中，他更初嚐射箭、射飛碟、揸電動車等。談到平時喜歡單拖出Trip，去年9月跟女友Debbie結婚的Ming仔，自爆夫婦倆至今仍無暇度蜜月，未知太太見到他經常周圍去可有嬲呢？他笑謂：「間中都會畀說話我聽，但人之常情，我都會買嘢番嚟○氹吓佢嘅。」

提臭史即封嘴

提到去年「捐帛金」風波，不少網民發起「罷睇Ming仔」行動，問可擔心影響收視？Ming仔尷尬避談：「唔講喇，大家都冇興趣了解，我留番適當嘅時候先講啦。（擔心講多錯多？）𠵱家社會好多事發生，我估大家唔會對一個咁小嘅風波有興趣。」見他已少玩社交平台，問是否打算轉型影視圈？Ming仔說：「我依然會玩社交平台，但呢段時間選擇低調地做嘢先，近排都喺網絡影片上做緊啲新嘗試，學緊Animation、Programming。（工作量受影響？）我工作模式一向都唔會受外圍影響，一係做Job，冇Job就自己拍片、剪片，所以點都有工作。」