掃呢頁CODE去手機

2020年3月6日 星期五

唐詩詠否認有B 仲有M到 馬國明無辜被屈:我唔係經手人 #唐詩詠 #馬國明

馬國明坦言不實傳聞影響其人格,有必要澄清。
唐詩詠否認有B仲有M到馬國明無辜被屈:我唔係經手人馬國明與唐詩詠最近被指由兄妹情進展成為戀人,近日有傳因搞出「人命」,雙方焗住認愛,激到「天然呆」的馬 ...




唐詩詠否認有B 仲有M到 馬國明無辜被屈:我唔係經手人

馬國明與唐詩詠最近被指由兄妹情進展成為戀人,近日有傳因搞出「人命」,雙方焗住認愛,激到「天然呆」的馬國明發火,拒食死貓否認是經手人,更與女方劃清界線!

馬國明去年因女友黃心穎偷食搞到分手,之後不停傳出與「契妹」唐詩詠撻着,加上近月女方「前度」陳思銘發功,在社交網無病呻吟,暗示甩拖:「她的生命中,出現了另一位男主角,酸啲講句,雖然個男人烚熟狗頭咁樣,但似乎對佢真係好。」留言一出,矛頭直指向馬國明,無辜變第三者!昨日更有傳他搞大唐詩詠個肚,逼住承認戀情。

不知陳思銘是誰

向來甚少發火的馬國明不甘被屈,終於忍不住開腔,他受訪時表示:「之前話我係第三者都算,依家寫到亂晒,仲令人誤會經手人好似係我咁,唔好同我再傳咁嘅緋聞。以前我一直唔講,只係當幫《白色強人》宣傳囉,不過依家影響埋我嘅人格,就一定要講清楚。」又稱根本不知陳思銘是誰,完全沒見過對方,直言不想與這位陳生扯上關係:「首先我唔識佢,我亦唔知佢同阿妹係乜嘢關係。我哋『鐵馬家族』聚會時,不嬲唔會問大家嘅感情事,阿妹一直都冇帶呢個男仔出嚟,大家嘅話題亦從來冇呢個男仔,今日仲有報道話我爆粗鬧佢,我點解要向佢爆粗呢?其實之前啲人話我哋同蕭正楠兩Pair人食生日飯,嗰日我哋係一班人,食完嗰餐飯之後,我到依家都未見過詩詠。」

唐詩詠懶理謠言,努力工作最實際。
  • 唐詩詠懶理謠言,努力工作最實際。
陳思銘經常在社交網似有所指。

  • 陳思銘經常在社交網似有所指。
經常宅在家中的馬國明,驅車往銅鑼灣做Facial。

  • 經常宅在家中的馬國明,驅車往銅鑼灣做Facial。

  • 放大圖片

訪問中多次否認與詩詠相戀的馬國明,將全副精力放在月中與岑麗香拍新劇。大前日見他單拖出動,原來為了保住靚樣,他驅車離開太古城寓所,直駛銅鑼灣一個商場做Facial,花了三粒鐘扮靚的他,離開時發現記者即一臉尷尬,揮手打招呼後,即返家做宅男。

給我一點寧靜好嗎?

至於「被大肚」的詩詠昨日於社交網留言澄清:「現在都很少看新聞,所以不知道胡亂寫一個甚麼程度,也沒有興趣知道,也貫徹始終,不回應、不反應。繼續認真工作、認真生活,出道那麼多年。寫了那麼多年,之後的時間,就給我一點寧靜好嗎?」相隔一小時後,她又發文:「認識了一位非常棒的中醫,她一直幫我調理身體,月經周期準確……」明顯反擊懷孕傳聞!




鍾意就快D Share啦!