岑麗香産後復出苦練廣東話，講起個仔就唔到口。
演員岑麗香在將軍澳電視城為無綫新劇《BB大晒》首日開工，香香坦言心情緊張，因為已經很久沒有講廣東話：「屋企得我講廣東話，中文退步咗，所以呢排抱住BB喺屋企睇劇本，都會大聲啲講、練吓咬字，都希望BB可以吸收到，想教佢講廣東話，等佢學多啲語言，因為中文得我教到佢，老公中文仲差過我，依家劇本變成咗BB課本，我就變咗中文老師。」
久休復出，被問開工時可會掛住BB？她笑說：「都會掛住，有時都會視像睇吓BB。不過，拍劇之前都考慮咗好耐，亦都開個家庭會議，有家人幫手照顧先拍。」而劇中的BB比香香的兒子大，看劇本可以偷師湊B，更可預先學習怎如何揀學校。
講到劇中拍檔馬國明最近被傳與唐詩詠撻着，問馬國明可有向她訴苦？香香說：「我好耐冇睇新聞，唔知咩事，頭先只係見到佢一面。」
來源 source: http://hk.on.cc
|
鍾意就快D Share啦！
|
|
|
