趙世曾與70年代女星盈盈所生的37歲兒子趙式浩（Howard）的感情生活低調，之前與圈外女友育有一子，兒子現已8歲，今日就有報道指他近日有新戀情，對方是現年29歲的NowTV新聞小花廖康如（Lilian），更有指二人已有BB，更聽聞二人會有結婚打算。她過去的戀情之中，最為人所言的戀情，就是與立法會票王「鄺神」鄺俊宇拍拖，二人2010年秘密相戀，但戀情低調，不過廖康如曾於2011年在FB貼過與鄺神的合照，二人更做出心型圖案手勢，戀情維持6年，有指鄺神希望專心立法會選戰，與對方和平分手。
《蘋果》今日就分別聯絡過兩位當事人，廖康如回覆時承認懷有身孕，並準備註冊結婚。被指做豪門少奶，她在電話中開心地說：「多謝，但唔好叫我豪門少奶，少奶奶唔啱我，我仍然會繼續工作，因為我真係好鍾意做記者。Howard都好支持，覺得女人都要工作，唔係會同社會脫節，同埋會冇咗我之前幾年建立嘅政治人脈關係。會同社會脫節，又會抹殺過去幾年工作上嘅努力。」被取笑記者人工與未來家用差好遠，她笑說：「哈哈，咁我又唔知家用幾多，但公司（NowTV)真係好錫我，會繼續工作。」據悉Howard 去年已向康如求婚，更求了不止一次，她說：「過程簡單又開心。」她未有透露BB性別及懷孕幾多個月，她說：「BB預產期係summer，其他就唔講住，原本諗住會擺酒，但疫情影響，都會再睇情況，但會先註冊。」
一直在康如身邊的Howard表示很支持太太工作，他說：「佢係工作狂，唔做嘢唔得。」問到喜歡康如甚麼？他說：「優點太多，不能盡錄，份人仲好勤奮上進同性格爽朗。」而Howard現在除幫手打理家族地產生意外，還有自己開設投資及工程公司等，與未婚妻一樣熱愛工作。
對於趙式浩戀上新聞小花廖康如，更傳已有BB一事，《蘋果》就聯絡了趙式浩的父母趙世曾及盈盈，趙世曾對兒子將再做父親及有新女友一事表示不知情：「唔知，聽到呢啲嘢，咁有女朋友都好正常。」問到他將再做爺爺，趙生表示：「唔知，你問返我個仔，佢冇同我講。」式浩的母親盈盈同一口徑表示未有聽聞，指兩星期前再見過兒子，對方未有提及：「未見過個女仔，唔知呢樣嘢。」問到再做嫲嫲心情，她表示：「冇話興唔興奮，仔大仔世界，有一個孫已經好開心，有就生，最緊要BB身體健康，但真係冇聽過佢講有女友同有BB呢件事，如果係真，係好surprised。」
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
來源 source: http://hk.entertainment.appledaily.com
|
鍾意就快D Share啦！
|
|
|
