抱囝囝朗讀劇本當教學 香香：估唔到會做中文老師
無線新劇《BB大晒》首日開工，女主角岑麗香大嚷有點緊張。香香笑說：「好耐無講過廣東話，全屋都係講英文，得我一個講中文。」她坦言講廣東話有點生疏，現時看劇本會朗讀出來，希望咬字跟讀音有改善。除此之外，朗讀時香香更會抱著兒子Jacob，她笑說：「我希望囝囝吸收到中文，不過聽一陣就會郁嚟郁去，玩第二啲嘢。」
問是想兒子學廣東話？香香笑笑說：「希望佢學多重語言，愈多愈好。我負責教中文，老公中文差過我，估唔到我會做中文老師。」談到拍攝時可會不捨得兒子？她說：「都會唔捨得嘅，間唔中都會Face Time。拍唔拍返劇得都諗咗好耐，都同屋企人傾好晒，分配點樣照顧小朋友亦好人幫手。身邊有好多Working Moms，都畀咗好多鼓勵我。」
笑問拍攝時可會將兒子混人BB堆中，以解相思之苦？香香笑說：「劇中嘅BB大個我嘅BB，睇咗幾集劇本，知道大個咗點樣搵學校。好處係我可以從劇本中偷到師。」
另外，對手馬國明近日是非纏身，日前更有報道暗指唐詩詠懷有他的骨肉。問到馬明可有因是非影響工作？香香說：「今日都係第一日，都係見咗佢一面。我唔知道有咩新聞，最近都係睇劇本。」
來源 source: http://hd.stheadline.com
|
鍾意就快D Share啦！
|
|
|