丹尼爾唔演又演，近日有傳佢考慮繼續演占士邦。
新一集占士邦電影《007：生死有時》（No Time To Die）因新冠肺炎疫情影響而宣布由下月初押後至11月上映，雖然今次是男星丹尼爾格力（Daniel Craig）最後一次飾演占士邦一角，不過近日有傳他「轉呔」重新考慮再次飾演占士邦。而有指他更為自己留定後路叫電影公司的宣傳人員唔好以今集是他最後一次演占士邦作宣傳賣點。
有知情者說：「雖然佢之前講過話唔再演，不過我唔認為丹尼爾同占士邦嘅關係已完。佢同4年前《007：鬼影帝國》（Spectre）推出時嘅態度一樣都係公開大大聲聲話唔再演，之後證明佢唔係。」當時丹尼爾講到好決絕揚言寧願割脈都不再演占士邦，最終丹尼爾難抵2,500萬美元豐厚片酬回心轉意再在今集演占士邦。
另方面，有電影雜誌指今次新一集占士邦押後上映預計會令美高梅電影公司損失高達3,000萬美元至5,000萬美元。不過如果電影公司照原本4月初上映可能會令電影公司損失更大！
來源 source: http://hk.on.cc
|
鍾意就快D Share啦！
|
|
|