陳曜旻和章小蕙當年的不倫戀轟動全城，陳曜旻今年43歲的女兒陳小韻，當年亦有公開鬧爆章小蕙破壞家庭，迷到父親喪失理智，令局面七國咁亂，父親最終人財兩空，落得破產收場。陳小韻當年接受《蘋果》的專訪時，直斥章小蕙機心重：「Auntie（陳曜旻第二任老婆Susanna）病緊時，爹哋要照顧佢，Teresa（章小蕙）喺嗰時介入人哋嘅婚姻，成個家庭被佢破壞咗，已經係害人啦。佢仲要繼續講啲意見，每個禮拜都會有啲嘢見報，佢嘅做法完全係我想像範圍之外。佢同爹哋拍拖，最初係佢自己攞晒啲相出嚟畀人登，到大家分開，爹哋要走，佢去送機嗰日，又call晒啲記者影相，佢個人係點，我諗大家都知。」
對於章小蕙，陳小韻痛恨她令父親性情大變，更由一個普通商人變成城中「名人」，令家中一切人與事變得翻天覆地，陳小韻說：「由細到大，我屋企得我一個女，爹哋特別錫我、縱我，我哋嘅關係亦好close。直至佢拍拖，佢太focus落去，佢性格變咗好多，變咗第二個人，忽略晒身邊所有嘢。可能嗰時爹哋好寂寞，佢（章小蕙）冧得佢好開心。以前我哋一家人嘅生活好輕鬆，有張爹哋畀嘅信用卡，爹哋可以供應好嘅生活畀我哋，但咁多事之後，我嘅價值觀變咗好多，因為我哋唔可以再有以前嘅生活。」訪問中，陳小韻替父親感到不值，坦言父親破產時全屋只得一張床，年屆60最終變得一無所有。
不過，陳小韻縱使不理解父親何解對章小蕙如此死心塌地，但她仍佩服父親的勇氣。對於陳曜旻和傳媒在採訪過程中鬧出不快，她亦有出言維護父親：「我爹哋係一個好隨和、好nice嘅人，平日一啲都唔衝動，佢有呢啲表現，可能係佢想有番啲個人自由啩！鬼叫你哋啲傳媒成日迫佢咩，我相信如果有相同嘅情況發生喺我身上，一次兩次甚至十次都係咁，我諗我都會好似爹哋一樣咁做。」
陳小韻在訪問中，將所有問題包括自己不再被陳曜旻寵愛，家庭破裂全歸咎到章小蕙身上，但她和陳曜旻的父女情始終不變，2009年，陳小韻在峇里出嫁，行禮時陳曜旻挽着女兒的手進場，場面溫馨。陳小韻婚後和丈夫先後生了兩個兒子，她亦由夜場「蒲精」變成慈母，專心在家中相夫教子。
-----------------------------
第三屆最港電影大獎
按此立即投票
-----------------------------
《果GYM》隨身播 健身壹App過！
一按即玩
來源 source: http://hk.entertainment.appledaily.com
|
鍾意就快D Share啦！
|
|
|