網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年3月11日 星期三

楊詠彤:【贏在起跑線】邊位新進高妹你最Like? #楊詠彤

6大新進高妹晒冷!高人一等真係有着數?擁有高挑身材加無敵長腿,往往係女星嘅最強武器,唔少高妹加入娛圈後,都備受重用,愈撈愈掂,真係唔係講得笑㗎!最近又 ...




6大新進高妹晒冷!


高人一等真係有着數?擁有高挑身材加無敵長腿,往往係女星嘅最強武器,唔少高妹加入娛圈後,都備受重用,愈撈愈掂,真係唔係講得笑㗎!最近又多咗一班高妹,成為網民嘅新寵兒,你又最Like邊個呢??等小編逐一同你介紹吓


楊詠彤


曾參選港姐嘅楊詠彤(Katy),當年被視為大熱之一,樣子甜美,可惜最終落選。最近佢去咗行山避「炎」,身高1米78嘅佢,坐喺欄杆上影相嗰陣,身材比例「異常」誇張,好似10頭身咁,手腳超長,搞到一眾網民都話好得人驚,仲話目測佢有三米高添!


蔡嘉欣


身高1米72嘅蔡嘉欣曾選港姐,雖然大熱倒灶三甲不入,但係已經好快獲無綫簽約,仲有得主持節目《姊妹淘》,工作量明顯比同屆佳麗多。加上佢參選前已經有自己嘅時裝店同美甲店,同埋有做KOL,引嚟不同品牌搵佢合作,可謂極速上位。


陳曉華


貴為港姐兼華姐雙料冠軍,身高1米73嘅佢,參選嗰陣表演空中瑜伽,贏盡掌聲!佢入行後已經備受無綫力捧,獲不少演出機會,最近仲有劇添,成為無綫新一代小花。佢拍劇除咗大晒學生妹Look之外,仲打戲連場,好在佢讀書嗰陣已經係籃球校隊,手長腳長,拍打戲毫不錫身博到盡㗎!


戴祖儀


歌手出身嘅戴祖儀,有「港版新垣結衣」之稱,主持過唔少節目,上年首次拍攝劇集《多功能老婆》兼唱埋劇集插曲,身高1米7嘅喺佢,喺劇中做周柏豪女友,不時大晒長腿,相當吸睛,即引嚟好大回響,成功入屋。其實戴祖儀喺英國大學法律系畢業,佢冇諗住做律師,而選擇入行。


邱晴


邱晴(Mandy)喺17歲嗰陣就已經參選港姐,雖然最後入唔到5強,不過都被選為「落選港姐冠軍」,獲頒發獎座添!身高1米74嘅佢一入行就有得主持兒童節目,又成為《美女廚房》嘅「美女學徒」,吸咗唔少粉絲,之後仲獲得拍劇機會,演出過唔劇集,仲有份拍熱爆處境劇《愛.回家之開心速遞》添!運氣極好嘅佢,喺上年台慶獨贏52萬獎金獎品,認真令人羡慕!


丁子田


丁子田係2018年港姐季軍,身高1米7嘅佢簽約無綫後,除咗有得做主持,有份演處境劇《愛.回家之開心速遞》啦,佢喺劇中演Terry(李偉健飾演)嘅「未來老婆」,最令人留下深刻印象。喺美國出世嘅丁子田單拖來港發展,佢姑媽就無綫綠葉丁主惠,廣東話唔係好好嘅佢為咗拍劇,努力操練廣東話,呢種努力學習嘅精神,抵畀個Like佢



來源 source: http://hk.on.cc
鍾意就快D Share啦!