網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年3月11日 星期三

【add名人時尚】離婚自殺後重生 02年港姐胡家惠:留番條命就咩都得! #港姐 #胡家惠

人生總會面對高低起跌,正能量面對,才能發現更好的世界。2002年港姐季軍胡家惠(Cathy)坐在自己新開在中環美容院內,面對疫情影響生意大跌一半以上, ...






人生總會面對高低起跌,正能量面對,才能發現更好的世界。

2002年港姐季軍胡家惠(Cathy)坐在自己新開在中環美容院內,面對疫情影響生意大跌一半以上,原定2月的開幕儀式要取消,依然開心笑得出,做完訪問準備去蒲超市買餸,湊女拍拖,「留番條命先,就咩都可以做到! 」過去4年,胡家惠歷經離婚、躁鬱、仰藥自殺,走過低谷人生,現時想通,相信自己才是人生主人,有條命才有下一步!

胡家惠和兩個寶貝女:5歲大女Charlotte和2歲細女Christy,一家三口居於西貢獨立屋。2002年選港姐得季軍,同屆冠軍是林敏俐、亞軍左慧琪,她在TVB工作兩年後外闖,做過空姐、開公關公司、韓國護膚品店,亦繼續讀書取得酒店管理學位。2011年嫁給拍拖多年的室內設計師邱仲平(Allen),前夫的公司更在2016年創業板上市,兩夫婦身家頓時升過億。

人生一切本來很美好,卻在她陀上第二胎細女時發生突變!「嗰時佢啱啱上市,真係嗰個時間,一上市就被我發現佢有第二個女人!」成個天冧下,丈夫不忠,她產後抑鬱,之後試過多次自殺,開車到飛鵝山想疾衝下去,試過在酒店仰藥、用鉸剪插手自殘,幸好,死不去。「嗰時唔係恨佢,係唔抵得,諗唔開。明明我識你時,你係咩都冇,我同你一齊捱,嗰時工人都冇個,喺屋企抹地洗衫煮飯都係我一個,做到事業咁好時,就遺忘咗我,成果俾第二個女人享受咗,我個心係唔舒服,唔甘心。」

當時,外表風光的幸福闊太,忽變離婚收場,胡家惠因為想不通又覺得失禮,不敢和家人朋友講,抑鬱症拖了一年,拖到2018年再確診躁鬱症,「情緒病真係好可怕,加上我嗰個係躁鬱症,躁鬱係比較麻煩,當你躁(躁狂)時,你係可以正常活動,去應酬、食飯,連續三日都好精神,瞓兩三個鐘就夠。突然由躁跌落鬱時,你係乜人都唔想見,每朝一起身,就發現自己講唔到嘢,好似有人摙住你條頸咁,講唔到嘢,之後不斷喊,三日唔沖涼、唔洗頭、唔飲水、唔食嘢,困喺房入面。細女驚到狂喊,大女不停拍我房門,我都冇理佢,冇辦法。」一周躁三日鬱三日的情況下,不斷循環持續一年,直到被朋友發現捉去睇醫生,展開漫長治療之路。精神科藥物副作用多,有些服後昏睡沒法湊女,最終選擇了有致命風險的一種,無奈身體又出現過敏,「個腦不斷咁扑扑扑扑,講緊十個鐘頭不斷扑扑扑扑,辛苦到我直程想搵個槌仔打爛自己個頭,真係好辛苦!」

最後輾轉改為心理輔導,醫生叮嚀她每日做功課,「每一晚記錄低自己感受,每晚畀30分鐘放空,唔諗任何嘢,唔可以用腦,總之做啲自己鍾意嘅事,咁我咪拉吓筋、散吓步、攤喺梳化食雪糕、聽音樂、煮嘢食咁。原來每一日嗰30分鐘完全屬於你自己嘅話,會將所有煩惱、唔開心都消除咗,你會感覺每一日都係好美好。」

胡家惠如夢初醒般,慢慢調整身體及心靈,走出低谷,重新出發,開始做健康湯包生意,也捐給獨居長者,間中去做義工,之前在越南撲口罩送給基層,「每個月都捐一、二百包湯畀獨居老人家,做咗成年,做義工又接觸吓其他人咁。我鍾意扮靚,9月同拍檔開咗新嘅美容院,好開心,覺得終於有番自己。而家諗返,一個女人都唔應該長期依賴一個男人,就算當年我幫佢,我都應該有番我自己存在,而家我有拍拖有囡囡,有自己生意,冇恨佢囉。」

4年經歷太多,胡家惠體會最深是生命才最重要,「疫情點都會過去,而家呢刻最緊要唔好病,留番條命先,留番條命就乜嘢都可以做到㗎喇!」

採訪:林妙萍

攝影:周樂恒

攝錄:林德雄、郭賢興

剪接:徐家希

場地:Ciao Bella

------------------

〈24小時求助熱線〉

* 香港撒瑪利亞防止自殺會熱線︰2389 2222

* 生命熱線︰2382 0000

* 東華三院芷若園熱線︰18281

* 社會福利署熱線︰2343 2255

* 醫管局精神健康專線(24小時):2466 7350

* 明愛向晴熱線:18288

* 香港輔導及心理學會:9238 3400 (WhatsApp)

* 「真心話室」網上輔導支援服務

http://bit.ly/2uhcdFv (8pm-1am)

-----------------------------

第三屆最港電影大獎

按此立即投票

-----------------------------

《果GYM》隨身播  健身壹App過!

一按即玩



38歲的胡家惠經歷過婚姻失敗、情緒病,現時重新出發,找回自己。


胡家惠說:「留番條命先,就咩都可以做到! 」


去年九月在中環開設美容院,疫情下,生意大跌超過一半。


過去4年歷經人生低谷。


每日花半小時放空,散步、聽音樂等放鬆心情,終克服情緒病。


兩個囡囡成為她生命一大推動力。


早前疫情未爆發,全家人去外地旅行。


胡家惠在2011年嫁給男友邱仲平(Allen),公司幾年後上市,兩人則離婚。



鍾意就快D Share啦!