呢間獨立屋認真唔簡單！
近期為咗抗疫，個個都宅在家盡量唔外出，日日匿喺屋企都要搵啲嘢玩吓，好似藝人孫耀威（Eric）咁，不時喺社交網拍啲搞笑片同大家分享，呢啲片仲唔覺意曝露咗Eric嘅豪宅概況，個後花園可以擺齊巨型梳化、茶几同埋太陽傘，目測400呎走唔甩，真係隨時個花園都大過你屋企，而作為一間多層獨立屋內有樓梯就好普通，不過有自己嘅𨋢就真係唔多，既豪華又有氣派認真犀利！
呢啲片除咗有基本嘅騷歌藝同玩魔術之外，Eric不時都會孖埋老婆陳美詩一齊玩，佢哋仲會借機喺片段入面錫錫晒恩愛，每條片都有唔少人睇，除咗可以解悶加上同粉絲保持互動之外，仲可以搵埋錢，確係一舉多得！
Eric近年睇中網絡嘅龐大市場，不時拍片上載社交網吸粉絲之外，上年佢仲以5千萬身價加盟內地直播平台做紅，閒閒地做兩粒鐘直播就穩袋過百萬，吸金力強到爆！
來源 source: http://hk.on.cc
|
鍾意就快D Share啦！
|
|
|
