Gloria應該好寂寞！
藝人鄧佩儀（Gloria）出席派口罩活動，戴齊護目鏡、口罩同手套，做足防疫措施。她笑言身邊醫生朋友多，不時收到防疫資訊，達到「洗腦」作用。問當中可有追求者？她笑說從來都冇諗過：「但諗諗吓佢哋個個都係單身，平時有啲咩都轟炸佢哋，例如Keep Fit。（愛情問題又轟炸佢哋？）都可以借啲意試吓，但依家啲Message一啲都唔曖昧。」
她又笑謂因為疫情，就算有男仔想約都出唔到街：「係有男仔問我夠唔夠口罩，呢樣真係加分。（交收咪可以見面？）但我有足夠數量，唔想分薄資源，希望疫情過後可以約出嚟見面。」
講到日前她自爆入行後衰足3年，要靠父母每月倒貼維持生活，Gloria聞言即「報喜」：「公司好照顧我，工作量有增加，接Job、代言，賺得唔多，但都好幸運、感恩！（依家可以畀家用？）一年前已經可以畀番5位數字家用，呢個感覺比任何嘢開心，希望可以堅持到。」搵個有米男友幫補？她拒絕靠異性：「我有我嘅原則，唔會要男友成日送禮物。（食飯AA制？）咁又唔使咁誇張。」
來源 source: http://hk.on.cc
|
鍾意就快D Share啦！
|
|
|
