蔡思貝教你呀～張振朗知點做啦！無綫熱播劇《機場特警》主要演員蔡思貝、張振朗、鄧佩儀、楊明、黃子恆和關禮傑，到樂富派發口罩、搓手液及自家製的劇集口罩套。 ...
蔡思貝教你呀～張振朗知點做無綫熱播劇《機場特警》主要演員蔡思貝、張振朗、鄧佩儀、楊明、黃子恆和關禮傑，到樂富派發口罩、搓手液及自家製的劇集口罩套。 ...
Video Player is loading.
Current Time 0:00
Duration 0:00
Remaining Time -0:00
This is a modal window.
The media could not be loaded, either because the server or network failed or because the format is not supported.
Beginning of dialog window. Escape will cancel and close the window.
End of dialog window.
無綫熱播劇《機場特警》主要演員蔡思貝、張振朗、鄧佩儀、楊明、黃子恆和關禮傑，到樂富派發口罩、搓手液及自家製的劇集口罩套。振朗更以高規格口罩上陣，他表示是家人替他悉心準備：「做演員每日都要開工，自己又同屋企人住，最擔心係影響到佢哋，惟有自己做足安全措施。」思貝亦謂擔心身邊人多過自己：「如果真係令到身邊人有事會好難過。」
講到振朗被影到硬食「牛肉乾」米線，他聞言先笑爆嘴，然後不禁哀怨：「好貴呀碗麵！係我衰嘅周圍泊，就算再趕時間都應該要泊好架車先，嗰日係因為再要趕去做嘢，就攝時間食碗麵，當買個教訓（忙到冇時間見女友？）咁就幾忙都一定要見嘅！點辛苦都要唧時間嘅，哈哈！」隨即想「甩身」就向身旁的思貝提問如何分配時間，思貝一時未有反應過來就說：「時間都要唧出嚟。」問是否都要唧時間見緋聞男友胡鴻鈞？她即「射波」：「最近唔係喺化妝間就喺屋企。（熱戀期唔係要見多啲？）冇呀！（羨慕振朗甜蜜拍拖？）我羨慕他有麵食囉，自己就畀心機拍劇。」
對於政府實行的「限聚令」伸延至影視圈，問到有否影響《踩過界II》的拍攝進度？他們表示：「都係如常開工，暫時未知點樣處理，等公司再安排。（大澳外景有影響？）有申請（不反對通知書），但都未收到通知，依家幾時先煞科都唔知！」
