掃呢頁CODE去手機

2020年4月20日 星期一

後生仔埋嚟睇:辣㷫網民!台灣女神鬥「胸」狠 #女神

台妹晒冷!最近台灣寫真女神元元(吳婕安)嘅出浴片喺網上流出,擁有ECup導彈身材嘅佢,淨係圍上浴巾,真空上陣極度誘惑,即時成為網民熱話。其實喺台灣除咗 ...




台妹晒冷!


最近台灣寫真女神元元(吳婕安)嘅出浴片喺網上流出,擁有E Cup導彈身材嘅佢,淨係圍上浴巾,真空上陣極度誘惑,即時成為網民熱話。其實喺台灣除咗元元之外,仲有唔少樣靚身材正嘅美眉,成功「凸」圍而出,升呢做宅男女神,等小編同你逐一介紹吓


先介紹番元元,佢平時除咗活躍喺社交網同人互動,Post咗唔少性感相吸Like之外,原來佢成日喺綜藝節目露面,大晒火辣身材,加上佢喺節目中表現得夠自然唔做作,深得觀眾喜愛㗎!


擁有D Cup上圍嘅巫苡萱係台灣職業棒球隊啦啦隊「Rakuten Girls」嘅隊長,佢經常喺社交網晒火辣照片,又成日同網友互動,吸咗唔少粉絲,令佢人氣高企,不時獲邀上綜藝節目,仲試過自揭着過嘅比堅尼唔拎去洗,只係晾乾就算數,真係估你唔到喎!


梓梓(原名董梓甯)係台灣女團「伊梓帆」成員隊長,被網民封為「電眼超迷人」美女嘅佢,好鍾意着泳裝玩水上活動,亦從來都唔會收埋佢嘅驕人身材,不時大晒火辣照片,同網民開心Share,有次佢仲晒過一張同阿媽一齊着比堅尼嘅「Big爆」相,不禁令網民驚嘆佢,完全遺傳咗媽媽嘅良好基因囉!同時梓梓仲係一個Dancer,不時獲邀上綜藝節目表演。


台灣模特兒黃書庭雖然冇台妹溫柔甜笑嘅特質,但係索爆嘅佢除咗有無敵長腿,仲有Cool到爆嘅氣質,都咪話唔煞食呀!佢本身喺餐廳做侍應,但係獲邀上綜藝節目之後,成功喺社交網吸咗唔少粉絲,成為新一代女神。


台灣女模林佩佩擁有32C驕人身材,佢除咗身材冇得輸之外,佢仲係台灣數一數二嘅女DJ,曾經去過新加坡、韓國等地為夜店打碟,仲喺周杰倫嘅MV出現過,唔少圈中人都係佢嘅粉絲添,好似周柏豪、金剛都有畀Like佢呀,真係唔講得笑。



來源 source: http://hk.on.cc
鍾意就快D Share啦!