2020年4月9日星期四

【美妝達人】爆汗都咁靚靠一樣法寶　鄭秀文公開眼線不溶之謎 #鄭秀文

【美妝達人】爆汗都咁靚靠一樣法寶　鄭秀文公開眼線不溶之謎

Sammi今日拍片公開畫出持久眼線的心得。

走在潮流尖啄的鄭秀文（Sammi）真係好貪靚，有時喺屋企做運動都要化個全妝！見她次次Gym後香汗淋漓，就算成面滴晒汗個妝都唔花，唔少絲打都很好奇這位天后Keep住妝容的方法，今日Sammi就拍片公開畫出持久眼線的心得，並留言：「女士們，關於眼缐。做運動爆汗時用甚麼眼缐最耐用？用甚麼畫眼缐最好，其實每個人都不一様…… #眼缐膏 #建議可以試用一枝已經沒有墨的眼缐筆去畫眼缐」

片中，Sammi自爆都係用一般的眼線膏，而秘訣在於使用一支舊眼線筆，她說：「我覺得一般畫眼線嘅Brush有毛，軟吓軟吓又鬆吓鬆吓，我自己覺得好難控制，所以我畫眼線嘅時候，除咗一盒眼線膏，我仲會用一支已經冇用嘅眼線筆，即係墨汁已經乾晒，咁你就抹一抹個頭，然後用呢支筆代替支Brush，咁我就覺得比較容易控制，至於會唔會因為用咗呢支筆，令到我嘅眼線咁持久，爆晒汗都唔滴落嚟，咁呢個都係一個謎嚟，我都唔知真實係咪有咁嘅作用，哈哈！」雖然Sammi都笑話唔知有冇持久作用，但一眾網民都留言話會試下，仲建議她考慮做「美妝KOL」，多啲教大家化妝！