今年25歲的馮盈盈，自從和10A醫生男友分手後，被指極速戀上大台爆肌主播鄭衍峰（Leonard），加上盈盈被《蘋果》踢爆早前已搬到深水埗新竇，又有眼利網民發現她和新歡用同一張花紋的枱墊，猜測二人已秘密同居。雖然盈盈再三否認蜜運，但事實上，她早前確實被影到將60萬的Tesla靚車讓給Leonard任揸，令人聯想二人絕非一般好友關係。
不過，熱戀甜蜜蜜的盈盈，桃花旺盛卻慘遇破財，破財原因更和她的情侶車Tesla有關。讀者曾先生透過《蘋果》「爆相爆片」，指馮盈盈在前日（15日）下午二時，獨自現身觀塘成業街。曾先生表示目睹無戴口罩的馮盈盈，行色慌張，一邊打電話，一邊焦急地兩頭望，更由街頭行去街尾，再由街尾行去街頭，來來回回數轉似尋找失物。曾先生說：「見佢之後企咗喺路邊，指手劃腳問解款車司機見唔見佢架Tesla車，個男人就答句只係見到之前有架車喺度，不過之後唔知去咗邊。」座駕忽然消失，盈盈難免着急，不過貿貿然脫罩和人交談，防疫意識似乎未有做足。
由於馮盈盈泊車的成業街，經常有不少司機為貪方便，將車泊在路邊違例泊車，導致經常出現塞車情況，加上盈盈旁邊的工廈都要公告，提示該處是車場出口，不應泊車，而曾先生在較早前就見到有警察拖走違泊車輛，因此估計盈盈的座駕很大機會是被警察拖走。《蘋果》事後亦有到現場視察情況，發現馮盈盈所泊的位置，並非收費錶位，而且旁邊的店舖，亦貼上嚴禁泊車的告示。而馮盈盈失車當日，她在IG動態亦有吐露「慘痛」的心聲，她留言說：「今日實在太刺激，來回地獄又折返人間。」又說：「心靈受創前嘅自拍，仲笑得出。」盈盈在IG所貼的相中，其黑色衫正正是她搵車時所穿的上衣，而她在相中摸着耳環風騷微笑，估計是失車之前，心情仍然靚靚時拍下的。
-----------------------------
App內1-Click訂閱《蘋果動新聞》
按此了解更多
來源 source: http://hk.entertainment.appledaily.com
|
鍾意就快D Share啦！
|
|
|