- 【蔡少芬、黎姿拍《火舞黃沙》遇龍捲風不停大叫】林保怡用遮撐住保命： 面前成個帳幕消失咗
- 35分鐘前
在大台多年，林保怡說沒有真正難捱的日子，因每次開工，都十二分投入角色，其他的都變得不再重要。
「難捱有分好多種，有係唔夠工作量無錢嗰種難捱，又有係因為簽咗騷，需要還騷，不我並無呢啲問題。所以講到難捱，我真係唔覺得....。」
林保怡說，在很多人眼中，拍《火舞黃沙》應該是最辛苦一部，他反而並不認同。
由金牌戚其義監製的《火舞黃沙》在大東北的沙漠取景，演員有蔡少芬佘詩曼陳豪和已經做少奶奶的黎姿。
「係某啲人眼中會覺得我一定好辛苦，拍攝《火舞黃沙》，需要去到沙漠取景，當地天氣又乾，打開飯盒唔夠一分鐘，就已經有沙。陽光猛烈，所有人都曬到好黑，冇得洗手，好難先搵到一個廁所，其他人都覺得好難捱，但我覺得無問題。可能係我覺得角色閰萬儀造型好型格，好投入。當時喺戚其儀帶領下，大家好團結。而拍攝時成日會見到小龍捲，好記得有一日，我拎住一把比較大嘅遮，身邊有蔡少芬同黎姿，喺一個斜坡拍攝片頭，而龍捲風就一直吹緊過嚟，我哋唯一可以做嘅係打開遮，三個人一齊撐住，全程唔敢打開眼，等小龍捲風走咗，佢哋就不停大叫。當我哋移開把遮，前面一個用嚟擺枱櫈嘅帪幕直情消失咗，捲到老遠地方。」林保怡說經歷這一幕，在場的演員都大開眼界。
「當時係無論遇到咩環境，都要以最佳狀態完成，因為完成後，將來播出時會有好多觀眾睇到，我冇諗《金枝慾孽》會紅，《珠光寶氣》同《天與地》有咩廻響，我完全冇諗過會有咩成績。」他說只能把握每次演出機會。
說起來，經典劇《金枝慾孽》算是他入行以來有十分挑戰性劇集之一，因為這是他首部古裝劇，對白又包含了很多文言。
「我好記得最初安排拍攝同雯女嘅戲份，打頭陣好辛苦，每日完成嘅戲唔多，因為真係經常ng，感覺好似以前做新人咁，一叫action就會心跳加速，因為有太多台詞要克服，之後我諗咗方法解決就好好多。我覺得與其浪費太多精力睇劇本，不如用電話錄低對白，跟住不停咁聽，類似洗腦式。」林保怡之後更將方法分享給鄧萃雯和黎姿。
時為2003年，翌年推出，到十七年後的2020年重溫，他都沒有後悔當年和鄧萃雯的高要求，每場戲重拍又重拍。「當年只不過用多五分鐘重拍，到而家睇返都唔會後悔，因為我哋當時做到最好。」林保怡說出兩人對做戲的堅持。
----------------------------
壹呼百應 號召有心人 請香港人睇壹週刊
按此了解更多
----------------------------
APP 內訂閱
1Click 搞掂 輕鬆簡便
按此了解更多
-----------------------------
【昔日紙本檔案庫】
30年壹仔經典 壹壹重現！
|
鍾意就快D Share啦！
|
|
|