2020年5月19日星期二

期間限定抗疫組合張繼聰白只望快啲散Band #張繼聰 #白只

期間限定抗疫組合張繼聰白只望快啲散Band

雖然期間限定，但組合成員都好用心，仲作埋主題曲。

今日，張繼聰、白只及朱柏康以全新組合「輕勾」形式為商台節目擔任嘉賓。張繼聰表示「輕勾」為期間限定，疫情過去會即時解散。他笑說：「所以我哋都好希望快啲收檔。」阿聰提到組成目的，是希望疫情下為觀眾帶來歡樂。談到疫情過後，若觀眾不希望他們解散，朱柏康笑說：「只可以網上重溫，但又唔好講到咁死，到時再睇大家有無期囉！」

張繼聰提到為加強跟觀眾互動，本周五直播會加插課金環節。他說：「金額係5蚊，10蚊啫，我哋會有小道具，觀眾可透過課金，表達對我哋嘅愛恨。之後有可能即場玩反應彈，而今個禮拜場面都係澎湃嘅。」問到可害怕另一半靠害，課金懲罰他們？他笑說：「絕對驚！因為可能200蚊，已經可以玩死我哋！」阿聰強調課金環節是跟觀眾互動，課金總額扣除成本會捐出作慈善用途。