媽媽，希望在明天呀！
前體操天后劉璇早前被爆懷有第二胎，更被拍得挻巨肚孖老公到醫院做產檢，惟事後一直未有回應事件。而呢日佢喺社交網上載自拍短片，正式宣布佗B喜訊！
片中佢以「二寶」稱呼BB，並向腹中BB大談懷孕心情，佢坦言因疫情影響令佢大失預算：「本來媽媽對你的到來有一個詳細的計劃，但是這場突如其來的疫情，讓媽媽有了不少的擔心，擔心疫情到底會有多久，擔心和我一樣的孕婦媽媽是否平安，擔心去產檢的路上或在醫院，是不是會被感染？」更指即使早前生病，都怕影響BB而唔敢食藥。
佢續指現時懷孕嘅不安情緒，猶如回到昔日面對奧運比賽時嘅心情，但認為BB喺呢個時候降臨，係為呢個世界帶來希望同勇氣，強調自己會遇強愈強，一定可以戰勝疫症，並表示十分期待BB出世：「二寶，我們期待你的到來，我和你的爸爸、哥哥，我們都愛你。」
來源 source: http://hk.on.cc
|
鍾意就快D Share啦！
|
|
|