98歲賭王何鴻燊近年屢傳身體狀況有變，須在養和醫院休養，今日突然傳出賭王命危，幾房的家人先後趕到醫院，看來賭王健康狀況真的出了狀況。
據知情人士向《蘋果》透露：「其實喺過年前賭王情況已經唔係咁理想，幾個月都住喺ICU，賭王中過風之後，又有柏金遜症，再加上長期洗腎，每一次洗完腎，身體係一次差過一次，上年就試過洗完腎出嚟，心臟頂唔順，突然冇咗心跳，經過搶救一輪，先大步檻過，不過佢嘅身體機能變得好差近呢半年，佢已經唔係好落到床、近乎講唔到嘢，但家人同佢講嘢，佢仲有意識會點吓頭、搖吓頭同笑，但人其實唔係好認到」
賭王這星期病況突然急轉直下，情況危殆，除了因年事已高，身體機能開始轉壞，腎衰竭情況一天比一天差，係會越嚟越差，知情人士表示：「醫生叫賭王家人有心理準備，呢幾日都叫晒賭王家人嚟睇佢。其實喺過年之後，超瓊知阿爸隨時出狀況，一早都通知二房嘅人盡量唔好出埠，而呢個禮拜賭王突然身體狀況變危殆，啲仔女已經係好平靜去面對，知道遲早要面對呢日。畢竟賭王呢幾年其實身體比較弱，長期住院臥床，冇乜quality of life，但仔女孝順，用最好醫療保住賭王生命，希望佢可以長命百歲，使幾多錢都在所不惜。」
-----------------------------
App內1-Click訂閱《蘋果動新聞》
按此了解更多
來源 source: http://hk.entertainment.appledaily.com
|
鍾意就快D Share啦！
|
|
|