2020年5月26日星期二

激凸「徐小姐」上身林盛斌獲網民讚索爆似Bob嫂 #Bob #林盛斌

激凸「徐小姐」上身林盛斌獲網民讚索爆似Bob嫂

「徐小姐」造型被指似有夫妻相嘅Bob嫂，Bob嫂Pearl都唔知好嬲定好笑！

育有3女1子的林盛斌（Bob）反串扮過唔少女人，包括有「嘔心」白雪公主、一樓鳳妓女、經典角色「馮程程」等，每次都令觀眾帶來「驚」喜，昨日Bob又喺社交網貼了反串扮女人相，相中撥弄著長直假髮，面圓圓嘅阿Bob濃妝豔抹，搽咗鮮紅色唇膏突出厚唇，一身OL套裝打扮，留言話：「呢排出街好多人叫我『徐小姐』.....」而網民將焦點落喺「徐小姐」豐滿嘅上圍度，驟眼望至少有C級，網民抵死留言：「小姐你身材好好」、「睇完徐小姐，會想起細細粒」、「真係索到想爆粗」、「見到都發惡夢」、「憂怨嘅眼神，性感嘅厚唇，殺死人咩」、「真係超似你老婆」。

原來阿Bob犧牲色相扮「徐小姐」係幫TVB拍廣告套裝，他阿Q精神跟本報記者話：「好多人話我靚呢，哈哈！」