何家各房成員見傳媒。
一代賭王何鴻燊病逝，享年98歲。約下午2時15分，何家四房家人齊集在養和醫院門外開記者會，交代何鴻燊的離世消息，包括二太藍瓊纓、三太陳婉珍、四太梁安琪，而長房由三女何超賢做代表，現場還有其他子女在場，為數逾廿人。藍瓊纓一直翹着兒子何猷龍站在前排，三房兒子何猷啟亦翹着媽媽陳婉珍，陳婉珍和四房女兒何超盈忍不住哭。
記者會由何超瓊代表發言：「多謝各位，過往呢幾日好辛苦，家人好感謝媒體嘅體諒。今日全部何家家族一同交代，何鴻燊家屬懷着沉重心情，今日爸爸一點喺香港養和醫院安詳離世，享年98歲。何博士喺香港舉足輕重，德高望重，好愛惜香港人。傳承我哋好重要嘅家庭教育，成為我哋嘅人生教誨，取諸社會，用諸社會，我哋會繼續。我哋都知道有呢一刻終於來臨，爸爸會永遠留喺所有家人心中。希望用我哋自己嘅上進心，繼續完成爸爸惠澤社會嘅負責，希望大家尊重我哋家人，我哋有共識去處理後事。」之後何超賢用英語再交代一次。
現場有傳媒發問，何超瓊婉拒受訪：「我哋唔想妨礙院方工作，一路等咁耐，想喺度集中見大家，唔希望講太多，要安排嘅未有機會去處理，容後再發布。（喪禮在香港搞？）未有定案。」完成記者會之後，何家四房各人返回醫院，其中三太陳婉珍和大女何超雲則乘車離開。約下午3時，何超賢與老公步出醫院，兩人見大批記者上前拍照，即折返醫院，等座駕來到，才登車離開。
來源 source: http://hk.on.cc
|
鍾意就快D Share啦！
|
|
|